Propetikanhon nga Saad
Duha ka mga Butang Nga Dili Mahimo sa Hugot nga Pagtuo
Presidente Dieter F. Uchtdorf, Ikaduhang Magtatambag sa Unang Kapangulohan “Ikaupat nga Andana, Katapusang Pultahan,” Liahona, Nob. 2016, 16, 17.
1. “Ang Atong Amahan sa Langit … dili mamugos ni bisan kinsa sa pagpili sa dalan sa pagkamatarung. Wala mamugos ang Dios sa Iyang kaugalingong mga anak sa pagsunod Kaniya didto sa premortal nga kalibutan. Sigurado nga dili Siya mopugos nato karon samtang ania kita niining kinabuhia.
“Ang Dios modapit, moawhag. Ang Dios motabang nga walay pagkaluya uban sa gugma ug inspirasyon ug pagdasig. Apan ang Dios dili gayud mamugos—moguba kana sa Iyang dakong plano alang sa mahangturon natong pag-uswag. …
2. “Dili mahimo sa pagtuo … mao ang pagpugos sa tong pagtuo ngadto sa Dios. Dili kita makapugos sa Dios aron matuman unsay atong mga tinguha—bisan og nagtuo kitang sakto kaayo kita o sinsero kaayo kitang nag-ampo. …
Dili, ang katuyoan sa pagtuo dili ang pag-usab sa kabubut-on sa Dios apan aron kita makalihok sa kabubut-on sa Dios. Ang pagtuo usa ka pagsalig—pagsalig nga nakakita ang Dios sa wala nato makita ug nga Siya nahibalo sa wala nato mahibaloi.”