Mga Istorya kabahin ni Jesus
Si Jesus Gibunyagan
Si Juan Bautista usa ka bantugan nga propeta. Iyang gitudloan ang mga tawo sa paghinulsol. Dayon siya mibunyag kanila.
Usa ka adlaw si Juan nagbunyag sa mga tawo sa suba sa Jordan. Si Jesus miabut ug mihangyo nga magpabunyag siya kang Juan. Si Juan nasayud nga si Jesus walay bisan unsa nga sala. Ngano nga gusto ni Jesus nga mabunyagan?
Miingon si Jesus nga kinahanglan Siyang motuman sa tanang mga sugo. Ang pagpabunyag usa ka sugo.
Human gibunyagan ni Juan si Jesus, usa ka salampati miabut sa pagpakita nga ang Espiritu Santo tua didto. Ang tingog sa Langitnong Amahan nadungog gikan sa langit nga nag-ingon, “Kini ang akong hinigugmang Anak, kinsa ako nahimuot” (Mateo 3:17).
Makasunod kita sa mga sugo ug makapili nga magpabunyag, sama ni Jesus. Dayon mahimo kitang kumpirmahan ug makadawat usab sa gasa Espiritu Santo.