Autalavou
O Le Olioli o se So’o o Iesu Keriso.
Pe na e mauaina ea se aso leaga? O le a se mea na e faia e faafiafia ai? Ua silafia e Peresitene Uchtdorf e faapea “e tofu uma i tatou taitoatasi ma o tatou lototiga, o tatou le fiafia, o tatou faanoanoaga. E mafai ona tatou oo ina lagonaina le lotovaivai ma le lofituina i nisi taimi.”
O lana tali o le ola ai i le mea ua ia taua “o le olaga o se soo”: “tumau i le faamaoni ma agai pea i luma i le faatuatua.” Pe a tatou agai i luma i le faatuatua, e mafai ona tatou faalagolago i le Atua, tausi i Ana poloaiga, ma auauna atu i isi—ma lagonaina le olioli i le taimi atoa lava! E pei ona saunoa mai Peresitene Uchtdorf, “O i latou o e ola i le olaga o se soo … o i latou ia e ana galuega faatauvaa na e faia se eseesega tele.”
Mafaufau e fai se lisi o auala e mafai ona e ola ai i se olaga o se soo. Mo se faataitaiga, e mafai ona e tusia i lalo se manatu o le auaunaga e pei o le “Fesoasoani i se matua e saunia le meaai o le afiafi” po o se manatu mo le tausia o poloaiga e pei o le “Tatalo mo le onosai atili i nai ou tei.” O le isi taimi e te faanoanoa ai pe lofituina, toso mai i fafo lau lisi, piki se manatu, ma faataitai i ai!