Tala ia Iesu
Na Faamagalo Atu Iesu
Mai le Mataio 18:21–22; Luka 7:37–48; Luka 11:1–4; Luka 23:34
I se tasi aso sa tatalo ai Iesu. Na fai atu se tasi o le au soo ia Iesu, “Le Alii e, ia e aoao mai ia te i matou i tatalo.”
Na tau atu e Iesu i Ona soo e tatalo ma ole atu i le Tama Faalelagi ina ia faamagaloina a latou agasala. Sa Ia fetalai atu o le a faamagaloina e le Tama Faalelagi i latou pe afai latou te faamagalo atu i isi.
Na fesili atu Peteru i se tasi taimi ia Iesu pe faafia ona ia faamagalo atu i se tasi na te faia se mea sese. “Seia atu fitu ea?” Le taumate a Peteru.
“Fitugafulu ni fitu,” na fetalai atu ai Iesu.
Sa aoao atu e Iesu i Ona soo, e tatau ona tatou faamagalo atu i taimi uma.
Na faamagalo e Iesu tagata na lagona le faanoanoa ona o a latou agasala. Ina ua Ia faamagalo atu i se tasi o fafine, sa ia lagonaina le matuai faafetai lava o lea na ia mulumuluina ai Ona aao i ona loimata.
Sa faamagalo foi e Iesu tagata o e na le iloa sa latou faia se mea sese. Sa Ia ole atu i le Tama Faalelagi e faamagalo atu i tagata sa faasatauroina o Ia ona sa latou le iloa sa latou faatiga i le Alo o le Atua.
E faamagalo e Iesu tagata ona e alofa o Ia ia te i latou. E mafai ona ou taumafai e avea faapei o Iesu e ala i le faamagalo atu foi o isi!