Pe Faapefea ona Tali atu ma le Lototoa FaaKerisiano

Ata

hugging

O se tasi o suega o le olaga nei e oo mai pe a fesiligia pe faitioina o tatou talitonuga. O taimi faapena, atonu tatou te mananao e tali atu ma le malosi—e “faalālā a tatou moto.” “Ae afai tatou te tali atu i e tuua’ia i tatou e pei ona faia e le Faaola, e le gata ina avea atili ai i tatou faapei o Keriso, ae ua tatou valaaulia foi isi e lagonaina Lona alofa ma mulimuli foi ia te Ia.

I le avea ai ma soo moni, e tatau ona avea ma o tatou popolega aupito taua le soifua sololelei o isi, ae le o le sa’o o le tagata lava ia. O fesili ma faitioga tatou te maua ai se avanoa e aapa atu ai i isi ma faaali atu ai e taua i latou i lo tatou Tama Faalelagi ma i tatou. O lo tatou faamoemoe o le fesoasoani lea ia latou malamalama i le upumoni, ae le o le taupunipuni o o tatou manatu po o le tau faamaonia e sao o tatou manatu i se felafolafoaiga faatofamanino. O a tatou molimau mai le taele o o tatou loto, o le tali aupito mamana lena e mafai ona tatou tuuina atu i e faitioina i tatou. Ma o na ituaiga o molimau e na o le alofa ma le agamalu e mafai ona tuuina atu ai. E tatau ona tatou faapei o Edward Partridge, lea na fetalai i ai le Alii, “Ua mama lona loto i oʼu luma, ona ua faapei o ia o Natanielu o anamua, o le ua leai se pepelo o i ai” (MF&F 41:11). Ina ia leai se pepelo o le i ai lea i se tulaga le sala faatamaitiiti, ia gese ona ita ae vave ona faamagalo atu.

Ia i latou uma o e saili ia iloa le auala e tatau ona tatou tali atu ai i e tuuaia i tatou, ou te tali atu i ai, tatou te alolofa ia i latou. Po o le a lava lo latou lanu, talitonuga, tapuaiga, po o le faaupufai, afai tatou te mulimuli ia Keriso ma faaali atu i ai Lona lototoa, e tatau ona tatou alolofa ia i latou. Tatou te le lagonaina ua sili atu lo tatou lelei nai lo i latou. Nai lo lena, tatou te mananao ma lo tatou alolofa e faaali atu ia i latou se ala e sili atu ona lelei—le ala a Iesu Keriso. O Lana ala e taitai atu ai i le faitotoa o le papatisoga, le ala lauitiiti ma le vaapiapi o le ola amiotonu, ma le malumalu o le Atua. O Ia “le ala, ma le upu moni, ma le ola” (Ioane 14:6). Ua na o Ia lava e mafai ai ona tatou ma o tatou uso uma ma tuafafine mautofi i le meaalofa silisili e mafai ona tatou maua—o le ola e faavavau ma le fiafia e faavavau. Ina ia fesoasoani ia i latou, ina ia avea ma se faataitaiga mo i latou, e le mo e e vaivai. E mo e malolosi. E mo oe ma au, le Au Paia o Aso e Gata Ai o e totogi le tau o le avea ma soo e ala i le taliina o e faitioina i tatou i le lototoa faa-Kerisiano.