Fiafia e Fesoasoani!

Mai se faatalanoaga ma Jordan Wright, Iuta, ISA

O au o Angelina!Ou te fiafia i enchiladas [totila], numera, ma le lanu lanumeamata vaivai. O ou matua e o mai Burundi, o se atunuu i Aferika i Sasae. Sa ou fanau i se tolauapiga a tagata sulufai i Tanzania. Ua ou nofo nei i Iuta, ISA.

O Se Igoa Faapitoa

Ou te tautala i le gagana Peretania ma se gagana e ta’ua o le Kirundi. O le uiga o lou faaiu o le “O le a ou faafetai pea mo mea ua ou mauaina.” Ou te faafetai o le toatele o tagata o lou aiga e nonofo latalata mai foi.

Mea Faafiafia a le Aiga

I le taimi o aso malolo matou te o ai ma lou aiga i le fale o Tinamatua mo le taumafataga o le afiafi. Matou te aai ai sambusas (falaoa falai ma le araisa po o se aano o manufasi i totonu). Ona faamatalaina lea e matua ni tala, e ta e le uso o lou tama ma se tausoga ia tagipalau ae ma sisiva ma lou uso!

Fesoasoani i Tagata Fou

Ou te fiafia e fesoasoani foi i le Peraimeri. O nisi o tamaiti o lau paranesi e tautatala faaKirundi i le fale, ae o nisi e tautatala faaSuaili. Matou te faia le Peraimeri i le faaPeretania. A o mai ni tamaiti fou i le Peraimeri e na o le faaKirundi e tautatala ai, ou te fesoasoani e faaliliu mo i latou.

Fesoasoani i Isi

Pe a ou matua, ou te manao e avea ma se tamaitai tausimai. Ae o le taimi nei e mafai ona ou fesoasoani e ala i le faia o tagamea, suia le napekini a lo’u uso pepe, ma fesoasoani i lou uso o Sofia i ana meaaoga.