Imahe

Nyame S.

Sa una nakong pagtungtong sa senior high school, dunay usa ka butang nga akong gikalisdan: dihang gipaila ang bag-ong subject, maglisud ko sa pagsabut niini. Usa ka gabii nag-ampo ko sa Langitnong Amahan nga tabangan ako nga makasabut ug makabuntog niana nga hagit. Duna koy pagtuo, ug mas nakasabut na ko. Sukad niadto, ang pag-ampo ug ang pagtuo anaa na kanunay sa akong lista sa mga buluhaton sa eskwelahan ug bisan asa ko moadto. Ang pag-eskwela sa eskwelahan sa mga batang lalaki makahagit tungod sa pipila ka imoral nga mga butang nga gihimo sa mga estudyante. Kon mahitabo kana, ang mga pulong sa akong mga ginikanan mosantop sa akong hunahuna: “Ayaw paghimo og butang nga makapalayo sa Espiritu Santo.” Nagpasalamat ko sa akong mama, kinsa kanunayng mopahinumdom kanako sa pagpaminaw sa Espiritu Santo. Kon mobuhat kita sa unsay eksakto, ang Dios mopanalangin kanato.

Nyame S., edad 16, Ghana