Tonga soa ato amin’ity laharana ity
Mila vehivavy mahatoky izao tontolo izao
Sary nataon’i Toni Oka
Hatramin’ny andro voalohan’ny Reny Eva dia nitana andraikitra lehibe amin’ny fanaovana izay hisehoan’ny drafitr’ Andriamanitra ho an’ny zanany ny vehivavy. Amin’ity volana ity isika dia manana fahafahana hianatra bebe kokoa momba ny sasany amin’ireo vehivavy izay mpisava lalana tamin’ny fanombohan’ny Famerenana ny filazantsara amin’ny laoniny. Ohatra, ao amin’ny pejy 16 isika dia afaka mamaky momba an’i Jane Manning James sy ny ohatra nasehony tamin’ny fikirizany. Rehefa mianatra ny Fotopampianarana sy Fanekempihavanana 25 isika, dia henontsika ny tenin’ny Tompo tamin’i Emma Smith nangataka azy hamorona fitambarana hira masina.
Mitohy amin’ny androntsika ny Famerenana amin’ny laoniny, ary izao tontolo izao dia mila fandraisana anjara lehibe avy amin’ny vehivavy mahatoky mihoatra ny hatramin’izay. Afaka mamaky ny nahitanay izay manompo amin’ny maha mpiandraikitra ambony ao amin’ny Fiangonana anay ny herin’ny fisoronana miasa ao amin’ny fiainanay ianao ao amin’ny pejy 12. Ity herin’ny fisoronana ity, izay sady misy ho an’ny lehilahy no misy ho an’ny vehivavy, no mamela ny asan’ Andriamanitra hitohy eto an-tany.
Na lehilahy isika na vehivavy, na firy taona na firy taona, na inona na inona Volon-koditra, na toe-javatra hafa, isika rehetra dia zanaka malalan’ Andriamanitra manana lova masina sy hery anaty.
Amin-kitsimpo,
Ny Filoha Joy D. Jones
Filohan’ny Kilonga maneran-tany