Bag-o nga Posisyon: Internasyonal nga Tigtambag sa Organisasyon sa Area

Ang Unang Kapangulohan bag-o lang nga miaprobar og bag-o nga posisyon nga gitawag og internasyonal nga tigtambag sa organisasyon sa area. Ang mga babaye nga nagserbisyo niini nga posisyon tawagon aron mosuporta sa mga lider sa Relief Society, Young Women, ug Primary sa mga dapit diin sila nagpuyo sa tibuok kalibotan. Motabang sila sa paghatag og pagbansay ug pagtudlo alang sa lokal nga mga lider sa gawas sa Estados Unidos ug Canada.

Ang panginahanglan alang sa mga tigtambag sa area tinoon sa Korum sa Napulog Duha ka Apostoles, sa Kapangulohan sa Seventy, ug sa mga Kapangulohan sa Area. Diha sa mga dapit diin sila tawagon, ang boluntaryo nga mga tigtambag moapil usab sa mga konseho sulod sa dapit samtang makigtambayayong sila sa mga lalaki ug mga babaye sa Simbahan sa ilang tagsa-tagsa ka dapit. Moserbisyo sila ubos sa direksyon sa mga Kapangulohan sa Area sulod sa tulo ngadto sa lima ka tuig.