Giusab nga mga Rekisito sa Paggradwar sa Seminary
Aron masuportahan ang pagtuon sa ebanghelyo diha sa panimalay ug maawhag ang inadlaw nga pagbasa sa kasulatan, ang mga rekisito sa paggradwar sa seminary giusab. Karon, atol sa ilang upat ka tuig nga kurso sa pagtuon, ang mga estudyante dili moreport kon nakompleto na ba nila sa pagbasa ang mga basahon sa kasulatan (Daang Tugon, Bag-ong Tugon, Basahon ni Mormon, ug Doktrina ug mga Pakigsaad ug Perlas nga Labing Bililhon); hinoon moreport sila kon gibasa ba nila ang mga kasulatan matag adlaw pinakaminos 75 porsiyento sa panahon.
Kini mobalhin sa focus gikan sa pagtsek sa usa ka box ngadto sa pag-establisar og usa ka matarong nga kinaiya sa pagkadisipulo nga mopanalangin sa mga estudyante sa ilang tibuok kinabuhi. Magtugot usab kini sa seminary, nga kaniadto giusab aron mapahaom sa 12 ka bulan nga eskedyul sa pagbasa sa Dali, Sunod Kanako, nga makigtambayayong sa tanang organisasyon sa Simbahan aron makasuporta sa pagtuon sa ebanghelyo nga nakasentro sa panimalay ug gisuportahan sa Simbahan.1
Dugang pa nga mga rekisito sa paggradwar alang sa seminary naglakip sa 75 porsyento nga pagtambong sa mga klase ug pagpasar sa assessment sa score nga 75 porsiyento o mas taas pa. Ang mga sertipiko sa pagkompleto, nga mas giuyonan sa ubang mga dapit, maoy puli sa gigamit kaniadto nga mga sertipiko sa pagpasidungog.