Bwanaaia Aika Itiaki ni Boong aika Kaitira
Taiaoka Ooki
Man te tai are ai teniman natira, e taku Vanessa, “Ti a kainanoa te aro inanon te auti aei.”
Ngke 12 au ririki ni maiu, tariu te ikawai e kairiia mitinare ake a bwanin aia tai nakon mweengara, ike a kabwarabwara nakoira Ana Ekaretia Iesu Kristo ibukiia Aika Itiaki ni Boong aika Kaitira. N te tai ae aki maan, tinau e moanna ni kairiia tariu aika ikawai, mwaneu ae ikawai, ao ngai nakon te taromauri. N te tai ae rangi ni maan ao ti a bane ni bwabetitoaki.
Teutana imwin teutana, e ngae n anne, e a manga toki rorokora. I tatangira te Ekaretia, ma ngke 17 au ririki, bwaai inanon maiu e kairai nakon te kawai ae kaokoro. I kataia n riki bwa te aomata ae tamaroa, ao n aki karekei tangiran naano aika buakaka. Ma I bua ao ni moanna ni maiuakin kawain te aonaaba. Akean ataakina irou ke ai tibwa ataakina, ngke e a riki ni korakora irekerekena ma bwaain te aonaaba.
Imwina I a kaitibo ma Vanesa. Teuana te bong imwin tikura n ikotaki, e taku, “Ti a kainanoa te aro inanon te auti aei.” Ngkanne iai natira teniman.
Ma n aron te aonaaba, ti raraomwa n arona bwa tera te kawai n tamnei are ti nang anganiia natira. I taku bwa ngkana N na okira te aro, N na bon oki nakon au ekaretia. I uringnga bwa bon te tabo are iai aomata aika tamaroa iai.
I taetae nakon te membwa n te Ekaretia ao n tuangnga ae N nang iangoa okiran te ekaretia.
“Taiaoka ooki!” e taku.
Raraomau ae bubura bon natiu bwa a na iangoa te taromauri bwa e kabotu ao a na aki tangiria, ma a bon tangiria. Ngke ti reitinako n rorooko n te taromauri, Vanessa e iangoia bwa bon akea ae titebo ma te Ekaretia are e buokiia ni karikirakeia utu. Bon ngaia raoi are e ukoukeria. Vanessa ao Ngai ti mareaki, ao ngaia ma natira a bwabetitoaki.
Ngkai ti a iriira te euangkerio n nakonako inanon te kawai n aron te utu. Ara kouru bon te kabaeaki n ikotaki n te tembora.
Inanon katean te Rio de Janeiro Brazil Tembora, I nanakonako irarikina e bon kuri ni katoa bong. I kona n tuangiia raoraou, “Teuana te bong, N na mareaki inanon te kateitei aei.”
“Nao, ti te arona am taeka anne ni katoa bong!” a taku.
I taekinna ni katoa bong ibukina I ataia bwa te tembora e a kaania tiana, ao I tangiria ni kaururingai ni karaoan bwaai aika eti n te aro are ara utu a na konaa ni kabaeaki ni kabane. Aio e bon tangiria nanou.
I ataia bwa natiu a na moanna n reiakini ae bati n taekan te aonaaba ao n rinanon tabeua bwaai ake ti tebo ma are I tia rinanona. Ma ngke I tibwaua au taneiai ma ngaiia, I taku, “Taiaoka tai kataia ni kaan nakon bwaai ake I karaoi ibukina bon akea bonganaia.”
I kaungaiia natiu ni kamatebwaia ana euangkerio Iesu Kristo ao ni kabanea nanoia iaon te riki ni mitinare ngkai bwa aonga ni kakabwaiaia tabeman. Aaki oota ni bwaai ni kabane, ma a na reiakinna. Aio bon te bwai ae I iangoia ibukiia.