Nakomai, Iriirai
Ibuobuoki nakoia Raora ni Mwananga
Reirei ao Berita aika Tabu 81–83
Turai 19–25
“Buokiia ake a mamaara, tabekirake baai ake a tine, ao ni kakorakorai bubuaniwae aika aki konamaki” (Reirei ao Berita aika Tabu 81:5).
Beretitenti Thomas S. Monson: Te katooto n te makuri n ibuobuoki
Ana ririki ngke e weteaki bwa e na bitiobi: 22
Mwaitiia kaain te uoote: e raka iaon 1,000
Mwaitiia aine aika mate buuia n ana uoote: 85
Unimwaane Jeffrey R. Holland man te Kooram n Abotoro n te Tengaun ma Uoman e tibwa aron Bitiobi Monson n tararuaia aine ake a mate buuia:”E mwaiti aika ataia bwa te bitiobi ae ataei aio e anaa teuana te wikii man ana motirawa ni katoa Kiritimati ni kawariia nakana waningaun aine ake a mate buuia. Angiina a aki ataia bwa ni moan tabeua te ririki te bwai n tangira e na kairia bon teuana man…moa ake a kaikawaaki ao man karokoaki n aroia n ana tabo ni kawakin moa.”1
E ururing rikaaki Bitiobi Monson ngke e buokiia tanga ae a kara are a tangira beenian mwengana:”N te tai ae kairaki mairoun te tamnei I wewete, tiaki iaoia kaain te kooram n unimwaane ke iaoia taan anga nanoia bwa a na kabonganai aia burati ni been, riki, bon man ruamwiian kanoan te aeniboki ibukin te mweeraoi, ibukiia kaain te utu ake a maeka n taabo riki tabeua. Aman ai natina mwaane ao aman natina aine a anaa aia burati ni baia ao n reita te mwakuri.”2 Te kairi mairoun te tamnei aio e buoka te utu ni manga reitaki ao n tamaroa riki aia kakawakin ni bon nakoiia.
“Tiaki kona n tangira raoi te Atua ngkana ti aki tangiriia raora ni mwananga iaon te kawai ae e mamate aio.”3 —Beretitenti Thomas S. Monson