Kam Butimwaeaki Nakon te Beeba Ni Kaongora Aei
Ti Kona n Irekereke nakoia Aika Itiaki ni Boong aika Kaitira ake Ngkoa
Joseph and Emma with Baby Alvin, by Liz Lemon Swindle, may not be copied
N aron te tia karaki n taai ake ngkoa ma Taekan ana Beeba ni Kamwakuri Iotebwa Timiti, I tangiria n anga au taetae n te taromauri ao ni marooro ma membwa n te Ekaretia iaon rongorongon te Ekaretia. Ngke I a tia ni karaoa aei, I ataia bwa tabeman aomata a karekea te tai ae kangaanga n irekereke nakoia Aika Itiaki n taai ake ngkoa. Kabwarabwaraan bwaai aikai n tatabeua e boboto n taainako iaon aron ninikoriaia, a karaoia n te aro ae kanga a taraa n aki ikakorakora ma te nanououa, te aoraki, ke te bwarannano.
Ma membwa n te Ekaretia ake a maeka ngkoa n te 1800 aki kororaoi nakon are ngkoe ao ngai n te bong aei. A rinanon te kimwareirei ao te kukurei, te maraki ao te rawawata—ao mwaitin te tai boong aika e tataneiai te aba iai, ao ni kabotu. I a tia n reiakinna ae mwaiti man aia taneiai bwa ti na kanga n tokanikai iaon katakira ni maiura.
Au kantaninga bwa n ami kamatebwai n Reirei ao Berita aika Tabu n te ririki aei e buokiko n reiakin aron kawaia Aika Itiaki ngkoa ni kaitarai kangaangan te maiu aei. Au kantaninga naba bwa rongorongon Mary Ann Young, kainaban Brigham Young, ngke e buokii kataaki e na kona ni kakorakora am onimaki ao ni buokiiko n nooria bwa ti kona n irekereke nakon ana kangaanga neiei ao tabeman ake a tia n rinanona (taraa iteraniba 32). E ngae ngke e a mena inanon te kangaanga ao te nanokawaki ae korakora, ana onimaki Mary Ann e kateimatoa n teimatoa, n aron are koreia nakon buuna, “n rau rinanon te angibuaka ni kabane.”
A mwaiti aika ti a tia n reiakinna mairouia koraki ake a tia n rimoa—tiaki ti man aia taneiai aika kamimi ma man nanoia ae koaua naba.
Matthew C. Godfrey
Ana Tabo Ni Mwakuri te Ekaretia n Rongorongon te Ekaretia