2021
Onimakinan te Uea
Turai 2021

Aine n Taai Akekei ni Moan Kaokan Bwaai

Onimakinan te Uea

Mairoun Brent M. Rogers

Ana Tabo Ni Mwakuri te Ekaretia n Rongorongon te Ekaretia

Ibukina bwa e kinaa te Uea man Koroboki aika tabu, ana onimaki Mary Ann ae nano e kateimatoa ana namakin “e bon tau raoina rinanon te angibuaka.”1

Tamnei
Mary Ann Angell Young in her garden

Kamataata n te tamnei iroun Toni Oka

Mary Ann Angell e bon tekeraoi ni ikawairake inanon te mweenga are e moanibwaia warekan booki aika tabu. E bon mamate nanona riki n ana reirei te Tia Kamaiu.2 E reiakinna mai mwaina inanon maiuna are e kona n ongo bwanaan te Uea rinanon koroboki aika tabu ao ni kunea te karaunano inanon Ana reirei.

E ongoraea ana euangkerio Iesu Kristo ae kaokaki n tataekinaki i Rhode Island, USA. 1831, ao imwin warekan ana Boki Moomon, Mary Ann e rairaki nakon te euangkerio.

E mwaing nako Kirtland, Ohio, inanon 1833, ike e kaaitibo ma Brigham Young, are e a mareaki mangaia ni moan 1834. Ibukin 48 te ririki imwina, rinanon bibitakin aia tabo ao kataakiia aika mwaiti. E reitinako Mary Ann Angel Young n ongo iroun te Uea rinanon koroboki aika tabu ao ni katuka ana onimaki ae matoatoa Irouna.

Ibukin te katooto, kainabana e mwananga ibukin ana mition nako Great Britain n 1839 are ti 10 te bong imwin bungiakin natina te aine ae Alice. Ibukin 20 te namakaina are mwina, a rangi ni kekeiaki Mary Ann ao natiia ake onoman. A karawawataaki man aoraki ao a maiu n ae tau iaon kanaia te kariki man te koon, te miriki, ao tabeua onaroka ibukin amwarake.3 Mary Ann e reke ana mwakuri ae uarereke ni boutokaia ana utu ao n tabeakinna bon irouna ao natina ae aoraki. Ma te Uea e buokiia rinanon katakiia aikai. “Anne bon te bwai ae korakora,” e koroboki nakon buuna, bwa e na “onimakina te Uea.”4

Ni katine iaon ana atatai ni koroboki aika tabu, Mary Ann e taraa n oota ma ana koaua ae nano are te Uea e bon memena irarikina, e tangiria, ao n ataatai irouna, riki inanon mwaitin kataakina. “Te kantaninga bwa bwaai aika ana riki imwina te Uea e na kairiira inanon bwaai ni kabane ao n taetae ni kabebete inanon kangaangan taai ao aki ataakin abwakin te tai” anne ana tataro .5

Bwaai aika a na taraaki

  1. Ana reta Mary Ann Angell Young nakon Brigham Young, Tuun 30, 1844, Brigham Young Office Files, 1832–1878, Church History Library, Salt Lake City (CHL).

  2. Taraa “Biography of Mrs. Mary Ann Young,” Woman’s Exponent, Tebetembwa. 1, 1887, 53–54; Emmeline B. Wells, “In Memoriam,” Woman’s Exponent, Turai 15, 1882, 28–29.

  3. Taraa Matthew C. Godfrey, “‘You Had Better Let Mrs Young Have Any Thing She Wants’: What a Joseph Smith Pay Order Teaches about the Plight of Missionary Wives in the Early Church,” BYU Studies, waorium. 58, nambwa. 2 (2019), 63–64.

  4. Ana reta Mary Ann Angell Young nakon Brigham Young, Eberi. 15, 1841, Brigham Young Office Files, 1832–1878, CHL.

  5. Ana reta Mary Ann Angell Young nakon Brigham Young, Maati. 21, 1840, George W. Thatcher Blair Collection, 1837–1988, CHL.