Kam Folem Mi
Parabol blong Wan Haeman: Wan Lesen blong Fasin blong Stap Obei
Doktrin mo Ol Kavenan 101:43–62 i tokbaot wan parabol we oli givim blong eksplenem from wanem oli bin ronemaot Ol Sent long Misuri.
Long parabol ia, ol wokman oli stat blong bildimap wan taoa, be afta oli disaed se “i no gat nid” blong gat wan (Doktrin mo Ol Kavenan 101:49). Be from se oli no bildimap taoa ia, oli no kasem woning taem ol enemi oli kam mo prapa spolem plantesen.
Wan haeman i givim instraksen long ol wokman blong hem blong planem wan plantesen mo bildim wan fanis raon long ol tri mo wan taoa, mekem se wan man blong stap waj i save lukluk ova long graon.
Ol wokman oli planem wan plantesen mo bildim wan fanis be oli disaed blong no bildim wan taoa.
Wan enemi we oli no bin save abaot i prapa spolem plantesen ia.
Ol pikja droing oli kam long Ben Simonsen
?Mi stap kwestinim ol komanmen blong Lod?
?Yu bin filim olsem ol wokman ia, blong stap tingting sapos wan komanmen i rili impoten blong folem? Parabol ia i tijim yumi se ol komanmen blong Lod oli protektem yumi mo helpem yumi blong laef long wan hapi laef (luk tu long Mosaea 2:41; Doktrin mo Ol Kavenan 82:8–10).
?Wanem nao bae yumi mekem taem yumi luk se, yumi no nidim wan komanmen?
-
Stadi long topik mo prea blong Lod i helpem yumi blong “filim se hem i raet” (Doktrin mo Ol Kavenan 9:8).
-
Tingbaot ol taem we i pas taem fasin blong stap obei i karem ol blesing i kam.1
-
Tekem aksen wetem fet, stap trastem se bae yumi andastanem “afta long tes blong fet blong [yumi]” (Ita 12:6).