Kam Folem Mi
?Wanem Ol Blesing We I Kam long Olgeta We Hat blong Olgeta I Klin Gud?
Pikja i kam long Dan Burr
Long ol seksen ia, yumi lanem se Lod i givim komanmen long Ol Sent long taem bifo blong bildimap wan Tempol.
“Mo evriwan we oli gat wan hat we i klin gud … Bambae oli luk God”
Long seksen 97, Lod i promes se, sapos Ol Sent oli bildim wan tempol mo kipim i klin gud, “evriwan we oli gat wan hat we i klin gud we oli kam insaed long hem, bambae oli luk God” (ves 16). Afta we hem i kwotem ves ia long jeneral konfrens, Elda David B. Haight (1906–2004) blong Kworom blong Olgeta Twelef Aposol i talem:
“I tru se sam man oli bin luk stret Sevya, be taem wan i lukaotem long diksonari, hem i lanem se i gat plante narafala mining blong toktok ia, luk, olsem blong stap kam blong save Hem, gat presen ia blong save luksave Hem, luksave Hem mo wok blong Hem, kam blong luksave from wanem Hem i impoten o blong kam blong andastanem Hem.
“Ol kaen andastaning mo blesing olsem we i kam long heven, oli stap blong wanwan long yumi.”1
?Long ol wanem wei nao yu bin luk Lod i soem Hemwan insaed long tempol?
Skripja Stadi Aktiviti
Ol skripja ia oli tokbaot sam narafala blesing we i kam long olgeta we hat blong olgeta i klin gud.
Toktok Raon
?Wanem nao yu stap glad bigwan long hem blong save atendem tempol?