Respek long Evri Pikinini blong God

Pikja

women sitting in circle enjoying sharing stories in group meeting

Presiden Russell M. Nelson i askem strong long yumi blong “mekem sekol blong lav blong yumi i kam bigwan inaf blong lavem ful famli blong man” (Teachings of Russell M. Nelson [2018], 83). Wetem plante defdefren kaen man long medel blong ol pikinini blong God, ?olsem wanem nao yumi save krietem wan komuniti we evri oli pipol save stap laef tugeta mo wok wan?

Long atikol blong hem “[Mekem Saeon I Muv Fored]” (pej 12), Elda Gerrit W. Gong blong Kworom blong Olgeta Twelef Aposol i stap invaetem yumi blong stap wan long hat mo maen blong yumi, taem yumi invaetem evriwan blong kam long Kraes. “Stap Winim Fasin blong Lukluk long Kala blong Skin mo Fasin blong Stap Gat Ol Rong Tingting: Yumi Save Bildimap Ol Brij” (pej 18) i save helpem yumi long hadwok blong yumi blong stap wan. I tru, blong stap wan i blong tekem long yumiwan nem blong Jisas Kraes olsem wan jos mo tu, olsem long yumi wanwan. Lanem moa long “Bae Olsem Ia Nao Oli Mas Singaotem Jos Blong Mi” i kam long Presiden Henry B. Eyring (pej 8).

Blong stap krietem yuniti long ol defdefren tingting, i no wan komanmen nomo (luk long Jon 17:21; Doktrin mo Ol Kavenan 38:27), be tu, hem i wan janis blong yumi blong lanem samting aot long hem mo kasem blesing tru long ol long ol brata mo sista blong yumi long ol nara kalja, grup blong ol defdefren pipol mo ol eksperiens. Mifala i hop se magasin blong manis ia bae i helpem yumi blong laef long fasin blong stap wan wetem Kraes.

Wetem tru hat,

Elda Walter F. González

Blong Olgeta Seventi

Daereksen i go long Liahona