Kamp blong Saeon—Stap Rere blong Givim Seves long Lod

Pikja

article on Zion’s Camp

Afta we grup blong ol memba blong Jos, we oli save olgeta olsem Kamp blong Saeon oli bin maj long ol handred mael blong helpem ol Lata-dei Sent fren blong olgeta, Lod i talem long Josef Smit blong stopem grup ia, nomata we oli ting se oli no bin mekem gol blong olgeta i hapen. From hemia, sam man oli singaotem Kamp blong Saeon se i wan mistek, be olgeta we oli tekpat oli testifae se ol eksperiens blong olgeta i bin mekem olgeta oli rere from fiuja seves i go long Lod.

Long taem blong longfala maj ia, sam long ol memba blong kamp oli komplen mo toktok agensem Profet Josef, be ol narawan oli stap fetful long hem mo lanem blong gat longfala tingting mo fasin blong stap obei.

• Febwari 1834: Josef Smit i kasem wan revelesen blong faenem 100 pipol blong maj i go long Misuri mo helpem ol Sent blong karem bakegen graon blong olgeta long Jackson Kaonti.

• Tufala grup ia we oli bin tekem ol defdefren rod, oli mit tugeta long Jun.

• Samples 207 man mo25 woman mo pikinini we oli bin tekpat.

• Oli maj blong 32 kasem 64 kilomita long wan dei.

• Plante oli bin travel ova long 1,450 kilo mita i go tru long 4 stet.

• 13 long Ol Sent oli bin ded from wan sik we oli singaotem kolera we i go raon insaed long kamp.

• 8 long ol fas 12 lata-dei Aposol oli bin givim seves insaed long kamp ia.

• Evriwan long ol fas lata-dei Seventi oli bin memba blong kamp ia.

• Jun 1834: Profet Josef i kasem wan revelesen blong akseptem ofring blong ol memba blong kamp, mo oli seraot.