Aisea na faaali mai ai Mose, Elaia, ma Elia i le Malumalu o Katelani.

article on appearance of Moses, Elias, and Elijah

“A o tatou sauniuni e fetaiai ma le Atua, e mafai ona tatou iloa pe o a o tatou tiute ua atofa mai le lagi, e ala i le toeiloiloina o ki paia na toefuatai mai i totonu o le Malumalu o Katelani.”¹

Elder Quentin L. Cook o le Korama a Aposetolo e Toasefululua

O A Ki o le Perisitua?

O ki o le perisitua o le pule lea ua tuuina mai e le Atua i taitai perisitua e faatonutonu ai, ma pulea ai le faaaogaina o Lana perisitua i luga o le fogaeleele.²

Sa aoao mai Peresitene Dallin H. Oaks, le Fesoasoani Muamua i le Au Peresitene Sili e faapea “O ki uma o le perisitua e umiaina e le Alii o Iesu Keriso, o le e ana le perisitua. O Ia o Le e filima’otia po o a ki e faamatuu mai i tagata ma pe o le a faapefea foi ona faaaogaina na ki.”³ O le Peresitene o le Ekalesia ua i ai le pule mai le Alii e faaaoga ai ki uma o le perisitua e manaomia mo le Ekalesia e galulue ai (tagai i le Mataupu Faavae ma Feagaiga 132:7).

O Ki ma le Pule o le Perisitua

I le aso 3 o Aperila, 1836, na auina mai ai e le Alii ia le au perisitua o le Feagaiga Tuai o Mose, Elaia, ma Elia ia Iosefa Samita ma Oliva Kaotui e tautino atu ia i latou mea nei:

Mose

Na taitaia le fanauga a Isaraelu mai le nofopologa i Aikupito
“O ki o le faapotopotoina o Isaraelu”
“O le faapotopotoina o Isaraelu mai vaega e fa o le lalolagi” (Mataupu Faavae ma Feagaiga 110:11)
“Pe a tatou talanoa i le faapotopotoina, ua na ona tatou fai atu lava o lenei upumoni faalefaavae: o tagata uma o fanau a lo tatou Tama Faalelagi, i itu uma o le veli, e tatau ona faalogo i le savali o le talalelei toefuataiina a Iesu Keriso.”⁴ —Peresitene Russell M. Nelson

Elaia

“E manino na soifua i ona po o Aperaamo”⁵
O le tisipenisione o le talalelei a Aperaamo
“I totonu o i tatou ma a tatou fanau, o le a faamanuiaina ai tupulaga uma e mulimuli mai ia i tatou” (Mataupu Faavae ma Feagaiga 110:12)
“Faatasi ai ma lenei faafouga [o le feagaiga faa-Aperaamo], ua tatou maua ai, e pei foi o i latou anamua, le perisitua paia ma le talalelei e faavavau. Ua ia i tatou le aia tatau e maua ai le atoatoaga o le talalelei, olioli i faamanuiaga o le perisitua, ma agavaa ai mo faamanuiaga silisili a le Atua—o le ola lea e faavavau.”⁶ —Peresitene Russell M. Nelson

Elia

O se perofeta i le malo i matu o Isaraelu, e tusa o le 900 TLM
O ki o le mana o faamauga
“Liliu loto o tama i fanau, ma fanau i o latou tama” (Mataupu Faavae ma Feagaiga 110:15)
“O ki o faamauga na toefuatai mai e le perofeta o le Feagaiga Tuai o Elia ua mafai ai sauniga o loo faia i totonu o malumalu paia. O sauniga e faatinoina i totonu o nei malumalu e mafai ai e tagata taitoatasi ma aiga ona toe foi atu i le afioaga o o tatou matua faalelagi. “⁷ — Elder Gary E. Stevenson o le Korama a Aposetolo e Toasefululua