Kam Folem Mi
?Huia Inok?
Ol pikja droing oli kam long Denis Freitas
Famli tri ia i soem tufala man ia, we nem blong tufala i Inok, long laen blong Adam mo Iv. Boe blong Ken, i Inok, i bigfala apu pikinini blong Adam (luk long Moses 5), we hem i defren long boe blong Jared, Inok, we i kam sikis jeneresen afta long Adam, mo i bin bildim bigfala taon ia blong Saeon (luk long Moses 6–7).
?Olsem wanem nao profet Inok i mekem koling blong hem?
Taem we God i askem Inok blong tokbaot fasin blong sakem sin long ol man, hem i filim se hem i no inaf, mo i talemaot long Lod se “hem i no save toktok gud” (Moses 6:31). Be God i bin givim paoa long Inok, mo i bin promesem hem: “Openem maot blong yu, mo toktok bae i fulap long hem, mo bae mi givim long yu paoa blong toktok” (Moses 6:32). Plante oli kam blong bilivim ol toktok blong hem, mo Inok i stanemap bigtaon ia blong Saeon.
Taem hem i mekem yumi tingting i gobak long eksampol blong Inok, Elda David A. Bednar i talem gud long olgeta we oli filim se oli no inaf, oli no ikwol, o oli no kwalifae naf from wan niu koling o responsabiliti, se “promes se Lod i bin givim long Inok, i wok mo i laef yet tedei” (“In the Strength of the Lord,” general conference, Oct. 2004).