Amy A. Wright

Sister Amy A. Wright ej keememej juon bon̄ jejjo iiō ko remootļo̧k ke ekar taktō kōn stage 4 ovarian cancer. Liin ekar lukkuun metak jon̄an ekar en̄jake an etoļo̧k jān Anij. Jekdo̧o̧n naan in kam̧ool eo an im tōmak eo an ilo Jemedwōj Ilan̄, Rilo̧mo̧o̧r, im karōk in lo̧mo̧o̧r eo, liin ekar pād ilo aikuj.

Āinwōt juon ajri, Sister Wright kar katakin e jān jinen im ritōl ro an Būraimare bwe n̄e jej en̄jake mijak, make iaad, ak aikuj ilo Jetōb, ej aikuj al kōn juon al in Būraimare.

“Ak al ne ke an ajri,” ekar ļōmņak kiiō. “Menin ej ke jerbal n̄an n̄a?”

Innām ekar itok uwaak eo—im al eo.

“N̄a bar nejin Anij,” Sister Wright ekar keememej. “Kiiō, ilo kōlmenļo̧kjen eo aō, ikar jino al, ‘Jemedwōj Ilan̄, kwōj ke lukkuun pād ijōne (Heavenly Father, are you really there)?’¹

“Jon̄an eo ne ikar tōpare. Aolep ānbwinnū ekar lippopo kōn iakwe eo an Anij. Kar maron̄ jibwe, eo ekar kōjak bwe ijjab maron̄ kar en̄jake aolep kain. Ikar jeļā bwe E kar pād ijōņ, bwe ejeļā lukkuun ta eo ij en̄jake, im bwe E ej Anij in iakwe.”

Amy Eileen Anderson ekar ļotak ilo Jānwōde 6, 1972, ilo Salt Lake City, Utah, USA, n̄an Joy Bailey im Robert Anderson. Liin ekar m̧areiki James McConkie Wright ilo Juun 24, 1994, ilo Salt Lake Tampeļ. Ewōr jilu nejier ļaddik ro.

Liin ekar kadiwōjļo̧k kōn juon bachelor degree ilo human development im family study ko jān University of Utah ilo 1998 eo. Ekar jerbal ilo student media department eo ilo College eo an Marquette University of Communicate ak ļeo pāleen ekar jikuuļ in kōm̧m̧an n̄i.

Sister Wright ekar jerbal āinwōt Rikakpilōklōk eo Kein Karuo ilo Būreejtōnji eo Eutiej an Būraimere ilo iiō eo ejemļo̧k im ilo advisory ko̧o̧njel eo euteij an Doulul eo an Jiron̄ ro ium̧win jilu iiō m̧okta jān men ne. Kūr ko m̧oktaļo̧k ekoba stake im ward būreejtōn an Būraimare, rikakpilōklōk ilo būreejtōnji eo an Būraimere, rūkaki an Doulul eo an Kōrā ro, rūkaki an Gospel Doctrine, im ritōl an Cub Scout.