J. Anette Dennis

Ālkin joļo̧k iien mour ko āinwōt juon ajri ilo jikin ko rokotaktak jān doon ilo aolepān United States, Sister Jeannie Anette Dennis ekar ļōmņak kōn ettōņak ko an raar kūrm̧ool ke baam̧le eo an ekar em̧m̧akūtļo̧k n̄an Cottonwood Heights, Utah.

“Ikar ļōmņak aolep armej ilo Utah kar membōr in Kabun̄ in im bwe enaaj kar juon jikin koņe ijin,” liin ekar ba.

Ilo raan ko an jejjo im̧aan tata ilo kūlaaj ruatimjuon, liin ekar lo̧udin̄din̄ ke kar karuwaineneik n̄an juon bade. Bōtaab juon leddik eo ekar erom̧ juon m̧ōttan em̧m̧an tata ekar kakkōl e bwe armej ro ilo bade eo renaaj kar kōjerbal uno ko rekajoor.

“Ekanooj kar m̧ōkaj aō ekkatak bwe kareel ko an nana rej pād aolep jikin,” ekar ba. Naan in kam̧ool eo an im juon em̧ ej pedped ioon gospel eo, mekarta, kar dāpij wōt an kajoor ilo aolepān iien high school eo an.

Ļotak ilo Provo, Utah, ilo Juun 1960, Jeannie Anette Herrin ej rūtto tata eo iaan ajri ro jiljilimjuon nejin Curtis Lamar im Patricia Joanne Herrin. Jerbal eo an jemān ekar bōk baam̧le eo an n̄an Mississippi, Tennessee, Iowa, Nebraska, im Utah.

Liin ekar ekkatak elementary education ilo Brigham Young University eo im minor ilo kajin Spanish. Ilo juon tūreep an kūlaaj eo an n̄an Mexico, liin ekar ioon Jorge Dennis, im rein ruo raar jino bwebwenato.

Ke ļein ekar em̧m̧akūt n̄an Salt Lake City juon iiō tokālik n̄an ekkatak kajin English, raar jino date. Ilowaan wōt jejjo allōn̄ ko, raar pojān (engage) m̧are. Rekar m̧are ilo Salt Lake Tampeļ ilo Jeptōmba 4, 1980. Ewōr emān nejierro ajri im ruwatimjuon jibwierro. Rej jokwe ilo Bountiful, Utah.

Sister Dennis, kar rejtake ilo Eprōļ 2, enaaj jino jerbal āinwōt Rikakpilōklōk eo Kein Kajuon ilo Būreejtōnji eo Eutiej an Doulul eo an Kōrā ro ilo Ọkwōj 1. Liin ej jerbal ilo advisory ko̧o̧njeļ eo eutiej an Būraimere im ippān ļeo pāleen ilo Davis County communications council eo.

Jān 2013 n̄an 2016 liin ekar jerbal ippān leo ippān ke ekar tōl Ecuador Guayaquil West Mijen. Liin ekar barāinwōt jerbal āinwōt rijipan̄ n̄an matron eo an Guayaquil Ecuador Tampeļ, rijeje n̄an Doulul eo an Kōrā ro ilo stake, būreejtōn an Būraimere ilo ward, rikakpilōklōk ilo būreejtōnji eo an Doulul eo an Kōrā ro ilo ward im Doulul eo an Jiron̄ ro, rūkaki an Doulul eo an Kōrā ro, im rijerbal in kain̄i an tampeļ.