Nuuj in Tampeļ
Būreejtōn Russell M. Nelson ekar kōjjeļā kōn karōk ko n̄an kalōk 17 tampeļ ko, ebōktok 100 oran tampeļ ko kar kōjjeļā kaki jān ke ekar erom̧ Būreejtōn eo an Kabun̄ in.
Tampeļ ko renaaj ekkaļ ilo ak turin Wellington, New Zealand; Brazzaville, Republic eo an Congo; Barcelona, Spain; Birmingham, United Kingdom; Cusco, Peru; Maceió im Santos, Brazil; San Luis Potosí im Mexico City Benemérito, Mexico; im ilo USA, Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; im Modesto, California.
Kakobaba in Kōjeļļā ko Rekāāl
Jān kar kweiļo̧k eo eļap eo ej jem̧ļo̧kļo̧k, tampeļ ko em̧ōj aer aje im bar aje, iien kaloojoj ko m̧okta jān aje ko kar kōjjeļā kaki, im kōjeram̧m̧an bwidej ko kar jikejuuļi ipeļaakin laļ in.
Winnipeg Maji, im Mesa Arizona Tampeļ (USA) kar bar aje. Raan im allōn̄ in iien aje im bar aje ko im iien kaloojoj ko m̧okta jān aje kar kōjjeļā kaki n̄an tampeļ ko ilo Yigo, Guam; Praia Cape Verde; Rio de Janeiro, Brazil; Washington, D.C., USA; im Tokyo, Japan.
Bwidej ko kar kōjeram̧m̧ani n̄an Casper Wyoming Tampeļ (USA), Pago Pago American Samoa Tampeļ, Bacolod Philippines Tampeļ, im Freetown Sierra Leone Tampeļ. Kōjeram̧m̧an bwidej ko rej jikejuuļ n̄an tampeļ ko ilo jikin kein rej ellaajrak ilo USA: Grand Junction, Colorado; Lindon, Utah; Farmington, New Mexico; Elko, Nevada; Burley, Idaho; Yorba Linda, California; and Smithfield, Utah.
Jikin ko em̧ōj kōjeļļā kake, im rijin̄a ro em̧ōj kwaļo̧k, n̄an Cape Town South Africa Tampeļ, Querétaro Mexico Tampeļ, im Ephraim Utah Tampeļ.
Jerbal in Kōkāāl ko
Jerbal ekkal im kōkāāl eo ej wōnm̧aanļo̧k wōt n̄an elōn̄ tampeļ ko ilo laļ in, ekoba jerbal in kōkāāl eo an Salt Lake Tampeļ im meļan ko an, ekoba Church Office Building plaza eo. Būroojāāk eo enaaj kōkm̧anm̧anļo̧k, kōkāāl, im kaiboojoj tampeļ eo im meļan ko ipeļaakin, bōk jikin system ko ejako aer jerbal, im ņa mejļan n̄ūrbōktak ko ikkijien safety im m̧akūtkūt in laļ.
Tampeļ eo em̧ōj bar kapene n̄an an jutak ņae m̧akūtkūt in laļ kajoor in 7.2 magnitude; pedped eo em̧ōj kar kōkajoorļo̧k im kajin̄en̄eik n̄an jutak ņa m̧akūtkūt in laļ; system in jarom eo im pipe eo em̧ōj kar kōkāāle; jikin delo̧n̄ ko rekāāļ em̧ōj kalōki; plaza eo jimāān eo ekar jorrāān em̧ōj kōkāāle im landscape eo kar bar kōm̧m̧ane n̄an kōmeraikļo̧k eddo eo an bwidej eo ilo ium̧win m̧ōkein; im meļan ko an tampeļ eo im office building plaza eo naaj bar designi n̄an kōm̧m̧an bwe en peļļo̧k im armej ren en̄jake juon mejatoto em̧m̧an n̄an deļo̧n̄e. Jerbal in kōkāāl eo, eo ekar ijjino ilo 2020, ej jikejuul bwe en dedeļo̧k ilo 2025.
Jerbal in kōkāāl ko rej barāinwōt wōnm̧aanļo̧k wōt ilo tampeļ ko ilo Hamilton, New Zealand; Hong Kong, China; im Columbus, Ohio, im St. George im Manti, Utah, USA. Kōn jekjek eo kōn ekkal eo an tampeļ ko jet, lale link in itulaļ.
Bar Ro̧o̧l n̄an Jinoin
Ilo juon leta n̄an ritōl ro an Kabun̄ in kar jeje ilo M̧aaj 15, 2022, Būreejtōnji eo Kein Kajuon ekar kōjjeļāik bwe tampeļ ko ilo aolepān laļ in renaaj jidik kōn jidik bar ro̧o̧l n̄an jekjek in jerbal ko m̧okta. Menin enaaj koba joļo̧k kein kōbare turin mejād ko im mo ko kōn jon̄an, pedped ioon jekjek ko ijo jokwe ie. Jekjek in kōm̧m̧an n̄an kajjojo tampeļ naaj kōmelet jān tampeļ būreejtōn ro im Eria Būreejtōnji ko, ilo arto artak ippān Temple Department eo.