“Elder Isaac K. Morrison,” Liaona, Māe 2022.
Elder Isaac K. Morrison
Ritōl Eutiej Jiljilimjuonn̄oul an Kabun̄ in
Elder Isaac K. Morrison ej ba e im lio pāleen erro ejjan̄in ļap aerro kiki jān ke Būreejtōn Russell M. Nelson ekar leļo̧k juon kūr n̄an Elder Morrison n̄an jerbal āinwōt Ritōl Eutiej an Jiljilimjuonn̄oul.
“Kōm jeļā menin enaaj erom̧ juon iaļan em̧m̧akūtkūt n̄an kōm,” ekar ba. “Kōm naaj atartar ioon Irooj n̄an kwaļo̧k n̄an kōm ta eo kōmij aikuj kōm̧m̧ane.”
Elder Morrison kar kūr āinwōt juon stake būreejtōn ilo 2014, Eria Jiljilimjuonn̄oul ilo 2018, im būreejtōn n̄an Ghana Cape Coast Mission ilo 2020.
“Aolep ijjitōn̄ ko raar itok ilo juon iien edik aō kōtmene,” lein ekar ba. “Bōtaab ikar atartar ioon Irooj im jab kōn maron̄ ko aō make.”
Elder Morrison ewōr an master of science degree ilo strategic management im leadership jān Kwame Nkrumah University in Science im Technology ilo Ghana. Ekar jerbal n̄an Kabun̄ in ilo elōn̄ eddo ko jān 2004 eo, eo āliktata āinwōt ritōl im membōr in support manager n̄an West Africa.
Isaac Kofi Morrison ekar ļotak ilo Nobōm̧ba 25, 1977 eo, ilo Takoradi, Ghana, n̄an Josep Kojo Morrison im Mary Efua Obua Sarfo.
Ke ekar juon ajri, Elder Morrison im baam̧le eo an rekar etal im jar ilo bar juon kabun̄. Ke ekar em̧m̧akūtļo̧k ippān baam̧le eo an ļeo unlepen n̄an etal n̄an high school, ekar etal n̄an kweilo̧k ko an Armej ro Rekowjarjar ilo Raan Ko Āliktata ippāer innām kweilo̧k ko ilo m̧ōn jar eo an. Rūkaki in jemenere eo ej rūkaki in jimarok ekar karuwainene e n̄an pād ilo jemenere, ijo ekar ioone Hannah Nyarko.
“Ekar lukkuun māletlet im aolep iien em̧m̧an naan ko ej ba,” ekar ba. “Ekar lukkuun letok n̄an eō bwe in ekkatak eļapļo̧k.” Ālkin ekkatak Bok in Mormon iiō eo, ekar ba, “Ikar pojak n̄an Peptaij.”
Ilo Tijemba 18, 2004, e im Hannah rekar m̧are ilo Takoradi im liāp jilu raan tokālik ilo Accra Ghana Tampeļ. Ewōr jilu nejier ļaddik.
Ilo kakobaba n̄an kūr ko jet an, Elder Morrison ekar jerbal āinwōt juon rikakpilōklōk ilo stake būreejtōnji, bisop, rikakpilōklōk ilo bisoprik, būreejtōn an doulul eo an elder ro, rūkaki in Gospel Doctrine, rūkaki in jemenere, im juon mijenede ej jerbal aolep raan ilo Nigeria.