Kein Jipan̄ ko Rekāāl

Bok in pija in kiiō kar bar kōkāāl pija ko im jeje ko me renaaj jipan̄ baam̧le ko ilo ekkatak eo aer im̧weo. Bok in em̧ōj kōkm̧anm̧anļo̧k ewōr elōn̄ļo̧k jān 350 pija ko rekāāl. Aolep bwebwenato ko im̧aanļo̧k em̧ōj bar je, ruatimjuon bwebwenato ko em̧ōj kar kobaiktok, im bok eo em̧ōj kar ukōte n̄an 63 kajin ko. Pija in alooj ko im ainikien ko em̧ōj kōm̧m̧ani ilo 10 kajin ko n̄an kajjojo bwebwenato. Bwebwenato ko an Kallim̧ur M̧okta im pija in alooj ko rej itok ippāer tok ewōr ilo online ilo scripturesto.ries.ChurchofJesusChrist.org, ilo Gospel LIbrary im app eo an Gospel for Kids, im ilo YouTube. Bok eo kar būrini maron̄ bōke jān store.ChurchofJesusChrist.org ak ilo im̧ōn distribution ko.

Bok jidikdik in ekāāl ej kwaļo̧k kadkad in Muslim ro (rikaloor in Islam) im Armej ro Rekwojarjar ilo Raan Ko Āliktata. Kar jinoin kwaļo̧k jān Elder David A. Bednar im Gerrit W. Gong jān Doulul eo an Jon̄oulruo Rijilōk ilo kar juon kweiļo̧k kōn Islam ilo Brigham Young University ilo Oktoba 2021. Bok jidikdik in epād ilo Gospel Library eo (ilo ChurchofJesusChrist.org ak ilo mobile app eo) ilo kajin Arabic, English, Farsi, French, German, Russian, Spanish, im Turkish. Ilo Gospel Library eo, etal n̄an Books and Lessons innām kōpeļļo̧k Interfaith Relations.

BYU–Pathway Worldwide ej kiiō leļo̧k jāān in jipan̄ n̄an aolep rijikuul ro, ekkar n̄an aikuj. Ejjeļo̧k etale ikkijeen am̧ ekkatak ilo jikuuļ n̄an bōk jāān in jipan̄ ikkijeen jikuuļ. Rijikuuļ ro rej pād ilo PathwayConnect rej aikuj kadedeikļo̧k juon informational module.

Kūlaaj in un̄n̄are peid make ej kiiō pād ilo kajin Albanian, Chinese, Czech, Danish, Dutch, English, French, German, Hungarian, Italian, Japanese, Korean, Portuguese, Russian, im Spanish.

Unin tōl ko an kūr in ekāāl an ritōl ejipan̄ ritōl ro an Doulul eo an Jiron̄ ro n̄an jipan̄ katakin jodikdik ro. N̄an pukōt unin tōl ko ilo Gospel Library eo, etal n̄an Bok in Bōk Tōl ko im Kūr ko, ippān tok Kūr ko an Ward im Branch innām Doulul eo an Jiron̄ ro. Kein jipan̄ ko jet maron̄ loi ilo YoungWomen.ChurchofJesusChrist.org.

Armej ro Rekwojarjar ro rekar jerbale juon mijen jān 2000 maron̄ kiiō kwaļo̧k meļeļe ko n̄an tōpar er ie ippān ritōl ro aer kar ilo mijen kōn juon mijen directory ekāāl ilo Member Tool app eo. Jān kāālete, juon kar mijenede ej kōtļo̧k bwe ritōl ro an mijen eo ren lo etan im meļeļe ko n̄an tōpare. Innām ritōl ro an mijen eo remaron̄ kōjerbal meļeļe in n̄an kōnono ippān mijenede ro, jim̧or juon make ak āinwōt juon kumi.

YouTube channel in ej pād kiiō ilo kajin English, Portuguese, im Spanish. Gospel Library jekjōn eo ekāāl kar ņa etan Children ej kōtļo̧k an ajri ro bōk koņaer ilo bwebwenato ko, pija in alooj ko, im m̧akūtkūt in iktōltōl ko.

Kakkobaba ko rekāāl tata rej kiiō dedeļo̧k ilo kajin English, ippān kajin ko jet rej itok wōt ilo 2022.