Kristin M. Yee

Rikakpilōklōk eo Kein Karuo ilo Doulul eo Eutiej an Kōrā ro

Ilo juon laļ eo eļapļo̧k an alikkar kōn kōjenoļo̧k im makeļo̧k, Sister Kristin M. Yee ekar lo uwaak ko n̄an ņa mejļan jorrāān ko rōjelet ro ilo jukjuk in pād ko kōn gospel eo an Jisōs Kraist im Doulul eo an Kōrā ro.

“Doulul eo an Kōrā ro rej kobaik kōj Ium̧win,” ekar ba. “Jabdewōt jikin ikar etal n̄ane ilo laļ in, ij kappukōt sister ro aō ilo Doulul eo an Kōrā ro, im n̄aij kajju en̄jake iakwe im jeļā kajjieō. Jej juon wōt ilo Kraist im ad naan in kam̧ool ilo E.”

Sister Yee, eo ekar jerbal ilo advisory ko̧o̧njeļ eo an eutiej an Būraimare, ej deļo̧n̄e kūr eo an ekāāl āinwōt Rikakpilōklōk eo Kein Karuo ilo Būreejtōnji eo Euteij an Doulul an Kōrā ro kōn juon jeļā bwe ejjab jerbal make iaan.

“Irooj ej eo ej lale, im ij lōke E,” ekar ba. “Ij barāinwōt en̄jake kajoor bwe jej aikuji aolep ilo jerbal in An. Kōj aolep ewōr ad eddo n̄an kōm̧m̧ane, im jemaron̄ m̧ōttan jerbal in ippān doon. Ij kam̧oolol kōn juon iien em̧m̧an n̄an jerbal.”

Kristin Mae Yee ekar ļotak ilo Māe 5, 1981, ilo Sacramento, California, USA, n̄an Ryan R. Yee im Jaydean Fox McKay. Ekar tokālik em̧m̧akūtļo̧k n̄an Idaho, USA, im innām n̄an Utah.

Liin ekar lo ilo iiō ko im̧aan juon iakwe kōn im tōļan kōn art jimo̧r, eo ekar tōllo̧k n̄an iaļ in jikuuļ im jerbal. Ewōr an undergraduate degree ilo fine arts jān Brigham Young University-Idaho im Brigham Young University. Ilo 2019 liin ekar bōk an master kōn public administration jān BYU.

Kapeel ko an Sister Yee kōn jin̄n̄a ak pija im jibadbad eo ekar bōkļo̧k liin n̄an juon jerbal āinwōt juon rijin̄n̄a im producer ilo Disney Interactive Studios ko, ijo liin ekar jerbal ium̧win 13 iiō ko. Ej kiiō lale animation tiim eo an Kabun̄ in. Pija im jin̄n̄a ko an rej pedped ioon gospel eo ekoba pija ko kōn jerbal in karejar eo an Rilo̧mo̧o̧r ioon laļ in.

Sister Yee ekar jerbal ilo elōn̄ kūr ko an Kabun̄ in, ekoba āinwōt būreejtōn an Doulul eo an Kōrā ro ilo stake, rikakpilōklōk ilo būreejtōnji an ward Doulul eo an Kōrā ro im rūkaki, būreejtōn an Doulul eo an Jiron̄ ro ilo ward, rūkaki n̄an Gospel Doctrine eo, ward mijenede, im rijerbal in kain̄i an tampeļ.