Camille N. Johnson

Camille N. Johnson ekar “aolep iien en̄jake ke ej pād ilo m̧weo im̧ōn” ilo Doulul eo an Kōrā ro.

“Ikar lo jemdo̧o̧n in sister ro ilubwiljin kōrā ro raar oktak jān n̄a,” ekar ba kōn en̄jake ko an ilo Doulul eo an Kōrā ro, ekoba 30-iiō elōn̄ļo̧k ilo ward ko ilo United States im Peru. “Ij iakwe kajoor eo im māletlet eo an kōrā ro ilo Doulul eo an Kōrā ro.”

Ekar loe rūkaki ro im ro m̧ōttan ilo Doulul eo an Kōrā ro, ekoba jet ro me rōrūttļo̧k im dikļo̧k jān liin.

“Jej aolep sistser ro kōn juon en̄jake jej kwaļo̧k ilo ikdeelel ko ad n̄an bar ro̧o̧l n̄an m̧weo im̧ōd ilan̄ ak kōn en̄jake ko rookkotaktak jān doon bwe jemaron̄ pedped ioer n̄an jipan̄ doon,” Sister Johnson ekar ba.

Sister Johnson ekar jerbal āinwōt Būreejtōn eo Euteij an Būraimere ilo iiō eo ej jemļo̧kļo̧k. Liin enaaj jino jerbal eo an āinwōt Būreejtōn eo Eutiej an Doulul eo an Kōrā ro ilo O̧kwōj 1.

Juon iaan kūr ko an rem̧m̧an tata ippān ekar rūkaki ilo Doulul eo an Kōrā ro.

“Ikar iakwe iien eo em̧m̧an n̄an kobaik sister ro im kar katakin jān Jetōb eo im ippān doon ilo awa eo ekwojarjar ilo Doulul eo an Kōrā ro. Ej ijo jej kōnono kōn Kraist, m̧ōņōņō ilo Kraist im kōnono kōn jerbal ko an bōro.”

Camille Neddo ekar ļotak ilo Jeptōm̧ba 1963 n̄an Hal im Dorothy Neddo ilo Pocatello, Idaho, USA. Ekar m̧areik Douglas R. Johnson ilo Juļae 31, 1987, ilo Salt Lake Tampeļ. Ewōr jilu nejiero ļaddik im ļalem jibwierro.

Liin ekar kadiwōjļo̧k jān University of Utah kōn English ilo 1985 eo im jān University of Utah S. J. Quinney College of Law eo ilo 1989 eo. Ekar jerbal elōn̄ļo̧k jān 30 iiō ko āinwōt juon lawyer im kar juon būreejtōn ilo Snow Christensen & Martineau law firm.

Āinwōt juon eo ekar būreejtōn n̄an Doulul eo an Jiron̄ ro, Sister Johnson ekar barāinwōt jerbal āinwōt juon membōr in būreejtōnji ko an Doulul eo an Kōrā ro im Būraimere an ward im āinwōt juon rikatakin an Gospel Doctrine im Doulul eo an Kōrā ro. Ekar bārāinwōt jerbal ippān ļeo pāleen jān 2016 n̄an 2019 ilo an kar tōl Peru Arequipa Mijen.