“Ko aki Kona ni Maroaa,” Riaona, Turai/Aokati. 2022.
Nakomai, Iriirai
Ko aki Kona ni Maroaa
Ko a tia n namakina te maroa ke te maaku bwa tera ae na roko? Ana toro te Burabeti ae Eritai e namakina naba aei ngke e nora ana taanga n buaka Tiiria aika aoti ma kaa ake a kookaki n te aoti n katobibia Totan, ana kaawa Eritai.
Kamataata n te tamnei iroun Denis Freitas
Ni maakun te toro e tang nakon Eritai, “Au toka! tera ti na karaoia?” (2 Uea 6:15).
Ma te onimaki, e kaekaa Eritai, “Tai maku: ba a mwaiti riki aika mena i roura nakoia ake a mena I rouia.” (16). Imwiin ana tataro Eritai nakon te Uea bwa e na kaurea matan ana toro arei, te toro e nori “ aoti ao kaa ni buaka te ai aika a otabwninia Eritai” (kiibu 17).
“E na iai taai tabetai are ngke, n aron te toro, ko na kunea am kanganga n nora aron ana mwakuri te Atua ni maeum—taai are ngke ko na namakina te rotaaki—ngkana taian kanganga n te maeu aei a uotiko nako aon bubuan waem. Tataninga ao onimakina te Atua n oin Ana tai, bukina bwa ko kona ni kakoaua Nanona ma nanomi ni kabane. … Ngke naba ko konaa n ataro nakon te Uea bwa e na kauka matam n noori bwaai ae ko aki kona n nooria i bon iroum” (Michelle D. Craig, “Maata n noraba,” Riaona, Nobembwa. 2020, 15).
Ti kona n aki nooria, ma te Uea ma ana Taanga n buaka n anera a katobibira (see Reirei ao Berita aika Tabu 84:88). “Ngkana E tei ibukira te Atua, antai ae kona n ekiira nako?” (I-Rom 8:31).