Man Ana Kairiri te Uea

Tamnei

neeti e buoka te aoraki

E korotamneiaki iroun Stephanie Hock

Bwa te neeti ae te tia kamatuu n ana Naa n buaka Amerika i taari inanon kangangan te COVID-19, I mwamwae ao n kamwakuraki n onaoraki n te tabo ae Jacob K. Javis i Nuioki, n anga te ibuobuoki n tain te butin n aoraki ae korakora man butinakon te aoraki ae te COVID-19.

Ngke I a moana au beku, ao a bati raraoma n au iango. Ma e rang korakora riki au tabeaianga ibukin buokaia aoraki ao katokan te aeka n man aoraki ae korakora rotakin iai marurungin te rabwata.

I karekea te namakin bwa kanga ai aron Nibwaai ngai, “kairaki iroun te Tamnei, n aki atai moa baika I riai n karaoi” (1 Nibwaai 4: 6). Te iango aio e buokai n onimaki iroun Tamara are i Karawa ao n tataro n taai nako bwa n na kona n ongo bwanaana, rimwian ke kawakinan ana kaetieti, ao n anga au kabanea n kona n tararua nakoia au aoraki.

Inanon au moan tairiki n karaoa te tararua, temanna te aoraki e karinaki ma kakaiakin aorakina. Ngke I tabe n buoka arona ma temanna riki raou n mwakuri, I waekoa n kunea bwa te mwane ae aroaki aei e ti kona n reitaki n te taetae n Spanish. Bon ti ngai n te tabo aei ae I kona n taetae n Spanish, are I reiakinna ngkoa n au mition i Venezuela.

Ngke I tabe n maroro ma te aoraki aei, e titirakinai ngkana e na nakoraoi bwaai. I karaua nanona, n tuanga bwa e na karekea te kabanea n tamaroa n tararua. I namakina reken te onimaki ao te rau n taraakina. Inanon nikiran te tairiki arei, I kakawaria n ana kainiwene n angiin te tai, n kakaraoa te tutuo ao katauraon rongorongo ake a kainanoaki. Mwiin tabeua te bong, e rang tikiraoi mwiin ana tutuo ao e kaotinakoaki.

Inanon au tai n mwakuri, I kaitibo ma aoraki aika a mwaiti are a kona naba n reitaki n te taetae n Spanish. Au kona n taetae ma ngaia e angania te bebete ao te kantaninga ibukin marurungia. 

Ngke I tabe n iangoa te bwai ae riki aei ae kakaean te kairiri mai karawa n angania aoraki te kabanea n tamaroa n tararua, I kauringaki n ana reirei te Unimwaane Brook P. Hales man te Kaitingaun. E taku te Tama ae i Karawa e raonira “inanon bongin maeura” ao bwa “ngaira ti bane n karekea te ibuobuoki mai karawa rinanon ana ibuobuoki ao ana wirikiriki te Tamnei ae Raoiroi.”¹

I kunea man ataia bwa au konabwai n taetae n Spanish e bon rang bonganan n ai aron naba au ataibwai ibukin te aoraki. Ngke I anga te tararua nakoia tabeman, i bon karekea naba te taratara ae itiaki inanon tain te kanganga, ao man ana kaiririki te uea, I kona n karaoi bwaai aika a kanganga.