“Koroboki aika Tabu a Kairii Nanora nakon te Atua Riaona,Turai/Aokati. 2022.
Nakomai, Iriirai
Koroboki aika Tabu a Kairii Nanora nakon te Atua
E taku Beretienti Spencer W. Kimball bwa ana rongorongo te Uea e Iotia, e kuneaki inanon 2 Uea 21–23, “bon teuana mai buakon karaki aika tamaroa n booki aika a tabu” (inanon Nakomai, Irirai—Ibukiia temanna ao taian Utu: O Tetemanti 2022, 129).
E kanga te Uea ae Iotia n Kunea te Rongorongo ae Tabu
E riki n Uea Iotia iaon Iutaia ngke ai tibwa waniua ana ririki n maeu. E karekea te tautaeka irouia aomata ake a onimakinia Atua ni kewe, ma e tangiria ngaia n ongotaeka iroun te Uea. N ana kawaniua n ririki n tautaeka, he tua bwa bao n karea ni kabane ma bouantai nako ake Atua ni kewe ana kamaunanakoaki ni kabanea aon Iuta.
Iotia, Uean Iuta, Kaoka Taromaurian te Atua n ana Tautaeka n Uea, mairoun te tia koro karaki ae aki kinaaki, tamnei roun Stefano Bianchetti/tamnei man Bridgeman
Tebwina te ririki iimwiina, e titirakinia ana aomata bwa ana kaoka aron te tembora i Ierutarem, ike te ibonga ae rietata ae Irekia e kunei koroboki aika a tabu. Ngke e wareka te boki te Uea ae Iotia, he rotaki nanona ni kawakin reirei mai iai. Imwiin anne e a bootia ana aomata ao ni wareka te boki nakoia.
N te tai ae rang maan, a tia aomata n kamatoai nanoia ni kaitara te Atua. Ma koroboki aika a tabu a buokia aomata ni kaoka naoia n okirikaaki nakon te Atua. E berita te Uea ae Iotia nakoia ana oamata bwa e na nakonako ni kawain te Uea ni kabane ao n kawakin ana tua nako.