“Ukoukora Ana Kairi te Tamnei,” Riaona, Tebetembwa 2022.
Ibukiia Kaaro
Ukoukora Ana Kairi te Tamnei
Nakoia Kaaro aika Tangiraki,
N te rongorongo n te Maekatiin aei, teniman Mataniwii ni Kabuta a tibwauai reirei ao aia taneiai n tatabemania ao utu iaon ukoran, kunean, ao rimwian te kairiri n tamnei.
Maroro iaon te Euangkerio
Onimakinan Ara Kakoaua
N iteraniba 4, Unimwaane Ronald A. Rasband e tibwaa rongorong ana utu ngkoa n reirei ana moan tua bwa ara Tia Kamaiu e na aki kitaniira. Wareka ana rongorongo ao maroroakinna bwa a kanga Aika a Itiaki n onimaki iaon aia koaua iroun Iesu Kristo ao ana babaire ni kamaiu Tamaia are i Karawa.
Karekean ana Ibuobuoki te Uea
N iteraniba 30, Unimwaane Patricio M. Giuffra e kabwarabwara bwa e kanga, n rairaki nakon te Ekaretia ngke te kairake ngaia, e bairea nakona n mwakuri ni mitinare ao ni iangoa reken te reirei are iaona riki. Imwiina e a manga tibwa ana kaeka nakon te titiraki, Tera ae ko karaoaia ngkana te kaotioti ae onoti nakon temanna e angabuaka ma aika a bon ririki?
Karekean te Kairiri mairoun te Tamnei
Tina kanga ni buokaki riki mairoun te tamnei ae raoiroi ni maiura? Unimwaane José A. Teixeira e ukora riki te rongorongo aio n iteraniba 40. Wareka ana rongorongo ao maroroakinna bwa e kanga karekean ana kairiri ae bubura te tamnei.
Nakomai, Iriirai Kaunga ibukin te Utu
Iangoa raoi te Kawai
-
Kamenaa tamnein te Tia Kamaiu ni iteran teuana n te ruu ae bubura ke bon te ruu.
-
Tei ni iteran te ruu. Ikaruoruo ni karabai mataia kain te utu ni kabane, kaminominoia, ao imwiina nooria ngkana a kona n nakonako nakon tamnein Iesu Kristo n aki buokaki.
-
Wareka Taeka n Rabakau 4:26–27.
Te maroro: Tera itera ni ibuobuoki ae ti a tia n anganaki n te maiu aei bwa a na kairira n te kawai nakon Iesu Kristo? Ibukin riki maroroakinana, wareka Taekan Rabakau 3:5–6. Tera mwakuri ae ti riai ni karekei n onimakina te Uea ma nanora ni kabane?