“Kairaki Irouia Burabeti aika Maiu,” Riaona,. Tebetembwa. 2022.
Boton te Euangkerio
Kairaki Irouia Burabeti aika Maiu
Burabeti boni mwaane ake a weteaki mairoun Tamara are i Karawa bwa a na taetae ma Ngaia. A kakoaua iroun Iesu Kristo ao n reireia Ana Euangkerio. Kaain Ana Ekaretia Iesu Kristo Ibukiia Aika Itiaki Ni Boong Aika Kaitira a kakoaua irouia burabeti ni kawai ao ni boong aikai.
Te Atua E Taetae rinanoiia Burabeti
Burabeti a karekei kaotioti mairoun te Atua. Ngkana burabeti a kairaki nanoia bwa a na reireinira, bon ti te arona ngke te Atua e taetae nakoira. (taraa Reirei ao Berita aika Tabu 1:38). Ti kona n onimakinna bwa a tuangira tera ae tangirira te Atua bwa ti na ataia.
Burabeti a reirei taekan Iesu Kristo
Moomon ngke e Kauarerekei Kanoan taiani Bwaatua,, iroun Tom Lovell
Ni kabane burabeti a kakoaua Iesu Kristo. A reiakinira bwa Ngaia bon natin te Atua. A reireiniira taekan Maiuna, katooto, Ana Makuri ni Kamaiu. Ao a kaotia nakoira bwa ti na kanga ni Rimwina ao n ongotaeka nakon Ana tua nako.
Mwiokoaia burabeti
Burabeti a reirei taekan ana euangkerio Iesu Kristo. A kabwarabwara te kakabwaia are ti karekea ngkana ti ongotaeka nakon taian tua ao uaan ara rinerine are ti karekei ngkana ti aki ongotaeka nakon tuua. N taai tabetai, a kona ni kairaki bwa a na tuangira taekan bwaai aika a na riki n taai aika imwaira.
Burabeti ni Boong ake ngkoa
Mote ao te Atibu,, iroun Jerry Harston
Te Atua e reireinia aomata rinanoia burabeti ma ngke a moan karikaki bwaai. Burabeti ake a maiu inanon te O Tetemanti n aron Atam, Nooa, Aberaam ,Moote, Itaia, ao tabeman riki. Iai naba burabeti ibuakoia aomata n ana Boki Moomon. Burabeti aikai n aron Riai, Motiaea, Aramwa, ao Moronaai. Ti kona n reiakinna bwa tera ae a reirei iai man warekan booki aika a tabu.
Burabeti ni Boong Aikai
Iotebwa Timiti bon te moan burabeti ni boong aikai. E kaoka Ana Ekaretia Iesu Kristo nakon aon te aonaaba. Russell M. Nelson bon te burabeti ao te Beretitenti n te Ekaretia ngkai. Ana kauntira n te Moan Beretitentii ao Aboroto n te tengaun ma uoman bon burabeti, tia mamata, ao taan karekei kaotioti.
Kakauongo nakon te Burabeti
E taetae nakoira te burabeti inanon te maungatabu ni kabuta ao taai tabeua naba. E reireinira bwa tera ae tangiria mairoura te Atua bwa ti na ataia ao ti na kanga n rimwiin Iesu Kristo ni boong aikai. Ti kona ni kunea ana reirei inanon te Riaona ao n ChurchofJesusChrist.org.
Kakabwaia n Ririmwian te Burabeti
Ti na kakabwaiaki ngkana ti rimwiin ana reirei te burabeti. Ngkana ti rimwiin te burabeti, ti kona n ataia bwa ti karaoa are e kantaningaia te Atua bwa ti na karaoia. Ti na namakina te rau ni maiura ao ni kaan riki ma Iesu Kristo.