“Kataia Riki Imwiina,” Riaona,,Tebetembwa. 2022.
Bwanaaia Aika Itiaki ni Boong aika Kaitira
Kataia Riki Imwiina
I tabetabe ni karaoi bwaai aika a tamaroa, ma au rereitaki ma te Uea e rootaki ibukina I mwanuokina te bwai ae kakaawaki riki.
Ngke e bane au mwakuri ni mitinare n Tianuare 2019, I bon koaua bwa N na reitinako ni katoa bong ni kamatebwai ni booki aika tabu. N te moan, e koaua anne. Imwiin te mwakuri, N na oki nakon mwengau ao ni wareka au boki aika a tabu n aron mwakurin te tai. I kukurei ngkai I teimatoa ni kakaonimaki nakon warekan te boki ae tabu ao reiakina taekan te Tia Kamaiu.
E bitaki anne n Tuun 2019 ngke e oki man ana mwakuri ni mitinare raou. Ti moana ara iraorao n te tai naba anne ao ni kabae onoua te wiiki imwiina.
N tabetaben babairean te mare, mwakuri, nakon te reirei are iaona riki, ao kabanean au tai ma au tangira, au kamatebwai n te boki ae tabu e waekoa ni kirikaaki nakon tabeua te tai n te wiiki. Ibukina bwa e bae au iango ni bwaai aika a raraoi, I aki iangoa au reitaki ma te Uea.
Ngai ma kainnabau ti mareaki n Nobembwa 2019. Imwiin bongin te motirawa, I kataia kaoka are I a tia n katikua n booki aika a tabu. N tabeua namwakaina, ngai ma kainnabau ti teimatoa ni kamatebwaia koroboki aika a tabu. Ni katoa ingabong inanon tabeua te miniti ti wareki koroboki aika a tabu ao ni maroroakin reirei man Nakomai, Irirai imwain ae ti otinako man te mataroa ni mwakuri ao n reirei.
Ngkanne, e a roko te aoraki ae te COVID–19. Akean bitakin babairean te reirei ao te mwakuri, ti kabua ara taneiai ni kamatebwai booki aika tabu n te ingabong. Ti kamatebwai ti ngai ao manga imwiina, ao ara rereitaki ma te Uea e a rootaki. E ngae imwiin babaire ake ana iraki nanoia a manga okira aroia ao ti okira te taromauri, ti teimatoa n rotaki ara kamatebwai.
Kaain te Ekaretia n angiin te tai e konaa n reke te tai ae a rootaki ni wareki koroboki aika a tabu n taai nako. A tabetabe maiura, ao ti kaitarai kangaanga ni katoa bong. Ma e bon tuai n rangi n oimwii manga moanakina.
Te Uea e aki kantaninga te kororaoi mairoura n te tai aei n rikirake ae akea tokina,” e taku Beretitenti Russell M. Nelson. Ma, e reitia, “Ti Kona ni Karaoa ae Tamaroa Riki ao ni Katamaroaki Riki,”1
Ngai ao kainnabau ti a manga tibwa moana ara kakaonimaki ni wareki koroboki aika a tabu. Ti bon aki kororaoi iai, ma ti kataia ni katoa bong ni kakorakorai ara kakoaua. I kakaitau ibukin te tai ae mwaiti ae anganira te Uea bwa ti na raira n nanora, katamaroaira, bwa ti na tamaroa riki.