“Rineia bwa Am Iango E Na Onrake n te Tamnei,” Riaona, Tebetembwa. 2022.
Rineia bwa Am Iango E Na Onrake n te Tamnei
Kateimatoan rikiraken tamneira ni kawain te euangkerio ai aron toutouan te bwaatika—kaai ni kainanoa te mwakuri ae wanawana.
Kamataata n te Tamnei iroun Dilleen Marsh
Karaoan te bitaki ao ataakin ae ko na karaoia n taai aika a kangaanga bon teuana te kakabwaia ae takaburinako n riki bwa kaain te ekaretia ae kakaonimaki n ana Ekaretia te Uea. Te bwaintituaraoi ae te Tamnei ae Raoiroi e karekea te kairi ae reitinako ao kairi ngkai ti teimatoa n onimaki.
Maiu, Rau, Kairi, ao te Kamanoaki
E taku te Abotoro Bauro, “Te nano ae ana bwai te Tamnei bon te maiu ao te raoi” (I-Rom 8:6; taraa naba kibuna 5).
Rinean te iango n Tamnei man maiuakinan te maiu ae kororaoi n ana kakairi te Tamnei ae Raoiroi ae aamarau ao e na katauraoa kairakim n am iango ao kamanoakim man kangaangan te maiu n rabwata ao te maiu n tamnei. Iroun te Tamnei ae Raoiroi, ko konaa ni karekea ana bwai n tangira te Tamnei ibukin am mabiao ao aia mabiao nake ko tangiria ao ni beku ibukia. Ana reitaki ma tamneim e uota riki te onimaki nakon te reitaki ae ko karekea rinanon am namakin n aomata.
Ko na kanga ni maiuna te iango n tamnei ao ni karekea riki kairam ae korakora mairoun te Tamnei ae Raoiroi?
1. Katiteuanaaki ma Tamara are i Karawa ao te Tia Kamaiu.
Ngkana ti nano teuana ma Tamara i Karawa, ti na karekea ana iraorao Tamneina. Ngkai ti karaoa te nano teuana bwa te moanibwai ni maiura, ti kaanira riki Nakoina ao Natina, ”Iesu Kristo, are e a tia ni kanakomaia” (Reirei ao Berita aika Tabu 132:24).
2. Tangira te Atua.
Tangiran Tamara are i Karawa ao kanakoraoan te reitaki ma Ngaia n te tataro e na kawakinna Irouna n ara iango ao nanora.
Te Abotoro Ioane, ma ana kakoaua n ana tangira ibukira te Atua ma ana tia kaotioti iroun Iesu Kristo, kakoauai koaua aika akea koauaia e kona ni karekeaki n arona nakon karekeana rinanon te onimaki iroun Iesu Kristo. Ioane e kaoia ana taan wareware n rinanon te kukurei n katiteuanaaki ma te Tama ao te nati (taraa 1 Ioane 1:3). E reitia riki:
“Kam na tai tangira aon te aba”, ao bwaai ni kabane ake a mena iaon te aba. Ngkana temanna e tangira te aonaba, tangiran te Tama e mena irouna. …
“Ao e kume ni mauna aon te aba ma kaibwabwaruna: ma ane e kakaraoa ae E tangira te Atua, ao e na teimatoa n aki toki” (1 Ioane 2:15, 17).
N te maiu aei ti kona namakina ana tangira te Atua rinanon ana iraorao Tamneina. Ngkana ti karaoa nanon Tamara are i Karawa ao ni kekeiaki-mwaaka n tiku n te kawai are e na kairira ni kabane Nakoina, te Tamnei ae Raoiroi e konaa ni kairira.1
3. Uringa tera ae karaoia nakoira te Tia Kamaiu.
Te berita inanon tataron te toa “bwa a na [ake ana bane] aonga … ni memena Tamneina irouia” (Reirei ao Berita aika Tabu 20:77, 79). Ti anaa te toa ni katoa wiiki ibukina ti tangiria ni kawakina ao ni karikirakea tamneira.
Beretitenti Dallin H. Oaks, te Moan Kauntira n te Moan Beretitenti, e reirei: “Ngkai ti kararoaira man bwain te aonaba nako, ti namakina ae ti kaan riki nakon Tamara i Karawa ao ni kona kairaki iroun te Tamnei. Ti aran aio bwa kabonganan raoi te maiu maiu n tamnei.” Beretitenti Oaks taku riki: “Ti na kanga ngaira raira ara taneiai e tei naba bwa karaoan ara mwakuri n tamnei. … Ngaira ake a reke ara kakoaua n ana euangkerio Iesu Kristo ti riai ni kaota ara taneiai nakon ara ataibwai n te kantaninga n te maiu, ana mwakuri ni mitinare ara Tia Kamaiu, ao tokira ngaira natin te Atua ae akea tokina.”2
4. Kinaakin bwaai n tamnei.
I kaotia bwa maiu n tamnei bon te kakabwaia ae reitinako mwakuriana n ara itera. Ngkai ti ukora n reiakina ao n irira ana wirikiriki te Tamnei, ti kona riki kinaa bwaai mairoun te Atua man bwain te aonaaba.
E taku Unimwaane Quentin L. Cook man te Kooram n Abotoro n te Tengaun ma uoman, “N aron okiokin ao reitinakon te mwakuri are e kantaningaaki ni karekea te konaa n te maiu n rabwata ke n te iango, ti te arona koauaia ni kakawakin te maiu n tamnei.”3
Karikirakei Maium n Tamnei
Te karabwarabwa nakon aia nonori taan kairiri n te Ekaretia, a tauraoi ara bwai ni mwakuri aika a rangi n tamaroa ake ana buokira ni kamatoaira ni maiura n tamnei. Iangoa taekan rikiraken te Gospel Library app are e anganira mwaakan koroboki aika a tabu ao kamatebwaian te euangkerio ana ara reke n ara buua n taai nako. Iangoi taekan bitaki ae a irekereke ma te mwakuri ni ibuobuoki are e kakorakoraira ni kabonganai bwaai ni mwakuri aika maiu man te iti ngkai ti otinako ni kawariia tabeman. Iangoa te reirei n te mweenga, ana ibuobuoki te Ekaretia ni boutokaa reiakinan Nakomai, Iriirai ao kanoana, are e na uotira rake maiura n tamnei n taabo ake ti mena iai.
Ti aki kainnanoia bwa ti na kabaeaki n te tamnei ma bwaai ni ibuobuoki aika a tauraoi! Ti kona ni mwakuri ni bootaki, rinei ni kabane waaki ake ana katamneia ara iango, boutoka te maiu ao te rau, ao ni karika te maiu n tamnei iteran maiura. E koreia Bauro: “Ao uan te Tamnei te tangira, te kimwareirei, te rau, te taotaonaki n nano, te atataiaomata, te raoiroi, te kakaonimaki, te nimamannei, [ao] te taubang” (I-Karatia 5:22–23).
Karaoi ao Kawakini Kouru n Tamnei
Te aomata ae kaonaki n te tamnei ni kataia ni kakorakora tamnein neienne ke teuanne ao, ngkana a karaoi kouru, titiraki, “Au kouru a anga te tararua ae tau nakon kainanon tamneiu?”
Te aomata ae e kaonaki n te tamnei e ukora ni ataia bwa ena kanga n irira ana wirikiriki te tamnei ao imwiina n mwakuri nakon wirikiriki akanne. N aron anne, katean kouru ibukin rikiraken tamnei e bongana.
Annie, tibura te aine ae nimaua ana ririki, katea ana kouru n reiakina kabutan te bwatika. E reiakinna ao ni karekea ni waekoa, ao ana karo a kairia n aia tai ni bwatika n utu.
Ngke a tabe ni bwatika, tinan Annie e kaota mimiina n aron tamaroan kabutan ana bwatika Annie ni waerakea te tabuki ae aki rangi ni rietata ao buti iaon te buriiti. E tibwa te karaba nakon tokanikaina anne: “I bon taua nako, Tinau, ao ni reitanako te toutou”
Ti riai ni karaoa aekan anne. Bon man te toutou are ti kateimatoa ara baraenti. Bebetena, mwakurian te tataro ni katoabong, kamatebwaian koroboki aika a tabu, ao irirakin reirei ni burabeti kawakina mwaingin tamneira ni waerake n aki ongea te tabuki, te aoraki ae butinako, ao bitaki ni maiura.
Ngkana nanom ae korakora bwa ko kariaia te Atua bwa boton am iango inanon maium, a na rangi ni bebete babaire aika a mwaiti. Ngaia are kangaanga aika a mwaiti a riki bwa ti aki kangaanga! … Ko ataia tera ae ko tangiria ni kan kakoroa bukina. Ko ataia bwa te aeka n aomata raa ae ko kan riki nako iai.”4
Ngkai ko katurua bwa tera ae kakaawaki riki, ko na noria bwa mwakurian kakorakoran tamneim ao ni moana te iaongo n tamnei e bon bebete. Ngaia are, taua ao reitanako te toutou!
Kamarurunga Tamnein am Riaona
Ko kokaki, ringaki, katikaki n kawai aika a mwaiti irouia ni bwanaa iaka a mwaiti n te aonaba aei n taai ae ko namakina ko tei moa bwa e ngaa te kawai ae ko riai n nako iai. Uringa bwa tamnein am Riaona e mwakuri riki ngkana ko kaokora bwanaan te Tamnei man bwanaan t aonaaba.
Te Tamnei ae Raoiroi e rau, itaki, ao te tia Karaunano. E anga te kaiiriri ae na uota nakoim te rau ao te kaantanina. E mwakuri raoi n ikotaki ma Tamara are i Karawa ao Iesu Kristo, kakoroan beku tabeua ni buokiko bwa ko na maena te raoiroiao ni karekea ana kakabwaia te euangkerio.
Te bwai ae kabonganaaki ibukin te korakora n tamnei bon mairoun te Atua Tamara,” taku Beretitenti Nelson. Tia uarongorongo n te korakora bon te Tamnei ae Raoiroi. Te korakora aio e kaokoro man korakoran te iti. Bwain te iti kabongana te korakora. Kabonganaan te korakora n Tamneina kaboua korakoraara. Ngkai itin te korakora e kona ni kabonganaaki ti ibukin tauan abwakin te tai, korakoran tamnei e kona ni kabonganaaki ibukin te tai ao akea tokina!”5
Ni karika te kantaninga n tamnei, bai matoaia, reitanako toutoum, ao katei kouri n tamnei. Kabongana bwaai ni ibuobuoki aika a tauraoi nakoim ni kakorakora tamneim.
I kakoaua bwa kantaninga n tamnei bon ibukin te maiu ao te rau (taraa 2 Nibwaai 9:39), bwa rokoraoin maiura e rikirake ngkana ti mwakuri raoi ma te Tama ao te Nati, ao bwa te Atua e tangirira ao n tabe ibukira ma kainanora.
Man te maroo n taromauri, “To Be Spiritually Minded Is Life and Peace,” maroroakinai n Brigham Young University n Beberuare 9, 2021. Ibukin bwanin te maroro, naako nakon speeches.byu.edu.