2022
Unimwaane Ezra Taft Benson E Kawariia Aika a Itiaki i Poland
Tebetembwa 2022

“Unimwaane Ezra Taft Benson E Kawariia Aika a Itiaki i Poland,” Riaona, Tebetembwa. 2022.

Karaki mairouia Aika a itiaki, Waorium 3

Unimwaane Ezra Taft Benson E Kawariia Aika a Itiaki i Poland

Tamnei
Unimwaane Ezra Taft Benson i Warsaw, Poland

Mwiokoaki man te Moan Beretitentii, Unimwaane Benson man te Kooram n Abotoro n te Tengaun ma Uoman tararuaa te mwakuri ni kamaiu man te Ekaretia i Europe imwiin te Kauoua ni Buaka n te Aonaaba. N ana ka 11 n namwakaina ikekei, e mwamwananga e raka iaon 60,000 te maire (96,000 km). Ieta: I akuuna taina uruaki i Warsaw, Poland.

Kariaia n rawetamnei man te Church History Library, Salt Lake City

N tairikin te Tabati teuana ae tamaroa n 1946, Ezra Taft Benson ao uoman raona ni mwananga a buti n kawai inanon te kaawa i Zelwagi, Poland ae akea iai te kakarongoa. Kawai aika a mwanomwano ao te kakarau ae korakora e kamwengabuakaia taan mwananga aikai n te bong anne, ma buakakan tauan kanoan te bong e a nakoraoi ngke mwaane aikai a tabe ni kaan ma te tabo are ana kawaria.

Zelwai bon mwakoron ngkoa Tiaman ao ni kinaaki n arana e Selbongen. E bitaki man mwaing tian te aba mwiin te buaka, e ngae n anne, angiin aba ake i nuuka ao mainikun Europe a tauaki taekaia iroun te Soviet Union. Inanon 1929, e bobonga man kateaki irouia kaain te mwaanga i Selbongen te moan auti n taromauri ibukiia Aika a itiaki ni Boong aika Kaitira i Tiaman. Ma imwiin onoua te ririki ni buaka, kaain te Ekaretia n te kaawa a rootaki mauia.1

Ni koauana rokon Unimwaane Benson i Polan ai aron namakinan te kakai. Akean te tareboon ae mwakuri i Poland, Benson ma raona a keiaki ni karekeia aia aomata ake a kona ni buokia ni karaoi aia beeba ibukin riniia n te aba. Imwiin te tataro ae mwaiti, ao okiokiran te reitaki ma te tautaeka ni Polish e a karekea nakon te abotoro karekean aia beeba n rin n te aba ae katauaki.2

Ngke e a kaan te kaa are a toka iai ma te auti n taromauri i Zelwagi, angiia aomata n te kaawa a maenako man karabaia. A katea te kaa Unimwaane Benson ma raona i moan te kateitei ao man otinako. A kabwarabwaraia nakon te aine ae kaan ma ngaia ao n titirakinna ngkana a kunea te tabo n taromauri ibukia Aika a Itiaki. A bwaro ao ni kaonaki matan te aine n rannimata ni kukurei. “A roko taari ikai!” E taekinna n taetae n Tiaman.

N te tai ae aki maan, a kaoti aomata mai akuun mataroa ake a in, a tang ao ni ngarengare ni kukurei. Aika a Itiaki i Zelwagi a kan akea aia reitaki ma taan kairiiri Ekaretia ni kabuta inanon teniua te ririki, ao n te ingabong anne a mwaiti ibuakoia ae a karaoa aia aki mamatam ao tataro ibukin kawarakia iroun te mitinare ke te tia kairiiri n te Ekaretia. Tabeua te aoa imwiina, e nakon tao tebubua kaain te Ekaretia ake a botaki ni ongoraea ana maroro te abotoro.

Ngke e taetae Unimwaane Benson nakon Aika a itiaki, uoman tautian Polish ma aia bwai ni buaka a rin n te tabo n taromauri. A kaonaki n te maaku kaain te botaki, ma te abotoro e tuangiia tautia aikai bwa a na tekateka ni kaan mai i moa inanon te ruu. N ana maroro, e katuruturua kakawakin karekean te inaomata ao te aki tautoronaki. A rangi ni kakauongo raoi tautia akekei, a bon tekateka n aia kaintekateka n tain te anene ni kainiin, ao n otinako imwiina n akea te bwai ae riki. Imwiina, a kaitiboaki Unimwaane Benson ma te beretitenti n te mwaanga ao ni katuka te amwarake ao te mwane ibukia kaain te Ekaretia, ao n anga te kakaoua bwa iaon kawaina riki n roko taian buoka.3

Te tai ae uarereke imwiina, Unimwaane Benson e koroboki nakon te Moan Beretitentii. E kaungaaki nanona bwa e na nora te buoka man te Ekaretia n roko irouia Aika a Itiaki i Europe ma te raraoma ibukin kangaanga ae a teimatoa ni kaaitara ma Aika a itiaki.

“Tao mabiao man ana waaki ni kamweraoi ke ni ibuobuoki te Ekaretia aika bati nakoia Aika a itiaki i Europe a konaa n aki ataaki, e koreia, “ma a mwaiti mauia aomata aika a tia ni karekeaki n akea te raraoma, ao te onimaki ma te ninikoria irouia ara koraki a rangi ni kamatoaki. ”4

Tamnei
aomata a botaki itinanikun te tabo n taromauri

Kaain te Ekaretia i Selbongen,Tiaman (manga aranaki bwa Zelwagi, Polan, imwiin te buaka), a botaki i itinanikun te tabo n taromauri tao n 1930.

Bwaai aika a na taraaki

  1. Ezra Taft Benson, “European Mission Report #19,” Aug. 7, 1946, 1, 3, First Presidency Mission Files, CHL; Benson, Journal, Aug. 1 and 4, 1946; Babbel, Oral History Interview, 6; “Elder Benson Reports First Visit to Poland,” Deseret News, Aug. 17, 1946, Church section, 1, 8, 12; Minert, In Harm’s Way, 310; “Selbongen during World War II,” Global Histories, history.ChurchofJesusChrist.org/global-histories.

  2. Babbel, On Wings of Faith, 131–34; Benson, Journal, Turai 29 and 30, 1946; Aug. 1 and 4, 1946; see also Frederick Babbel, “‘And None Shall Stay Them,’” Instructor, Aok. 1969, 104:268–69. Atuun te Rongorongo: Poland.

  3. Benson, Journal, Aug. 4, 1946; Ezra Taft Benson, “European Mission Report #19,” Aug. 7, 1946, 1, First Presidency Mission Files, CHL; Ezra Taft Benson to First Presidency, Aug. 7, 1946, 2, Ezra Taft Benson Correspondence Files, CHL; Selbongen Branch, General Minutes, Aug. 4, 1896; “Selbongen during World War II,” Global Histories, history.ChurchofJesusChrist.org/global-histories.

  4. Ezra Taft Benson, “European Mission Report #20,” Aok. 24, 1946, 2, First Presidency Mission Files, CHL; taraa naba “Red Cross to Cooperate in Distribution of Supplies,” Deseret News, Teb. 7, 1946, Church section, 1, 9.