“Ti Kona ni Buokii Tabeman n Namakina te Tangiraki ao te Mwaneaki,” Riaona, Tebetembwa. 2022.
Reirein te Mwakuri n Ibuobuoki
Ti Kona ni Buokiia Tabeman n Namakina te Tangiraki ao te Mwaneaki
Te Tia Kamaiu e rinanon te katinanikuaki ao reirei nakoira bwa ti na kanga ni karoko irouia tabeman n ibuobuoki.
Sasha bon te aine ae ataei ae akea buuna n te uoote n utu, are e aki rangi ni bebete arona. E namakina te kukurei ao mwengaraoi ma angiin te tai e rangi n taraa n okoro—kai kinaaki—ibuakoia kaain te uoote ake tabeman. N aroia angiia ngaira, e kainnanoa te boutokaaki ao namakinana bwa kaain te waaki.
Taomati, bon te mwaane ae ikawai riki inanon te uoote, e mwiokoaki bwa e te tari ae na ibuobuoki nakoina ao n te bong teuana ngaia ma buuna a roko bwa ana kinaa riki Sasha. Te kakawari aio e tara ni matoa teutana ngke te maroro e a roko naba bwa e kanga neiei n maeka n akea buuna. Ngke a tabe n maroro, E kona n kunea Sasha bwa Thomas ma buuna a kataia ni karekea matataia n arona bwa tera ae a na konaa ni buokia iai.
Inanon naba aia tai ni maroro, E taku Taomati, “I kunea bwa rarikin am auti e kainnanoa te mwakuri n tangira teuana. Ao I rangi ni kukurei ni buokiko n anne.”
E bon rangi n tabetabe Sasha n ana mwakuri ao tararuakin rarikin ana auti e aki moanibwai irouna. Ao irarikin anne, e aki kukurei ni karaoa anne. E ataia bwa e kanga mwakurian anne, ao e ataia e konaa ni karaoia. Ma e aki bitaki bwa n te koaua are e bon ribaia.
Iai te tai ae ana titiraki aio e urua nanona. Ma e taekinna Thomas bwa ea tia ni mena n te taanganibuaka ao n ataia bwa tera ae kakaraoia te aine i bon irouna ngkana akea buuna irarikina. E kinaa bwa Thomas e bon kataia ni kakaei aanga ni kananoa riki aia iraorao. E kataia n boota ana taneiai ma neierei ao ni kunea aika a kakaongora aika a booraoi iai.
N te mwakuri ni ibuobuoki n reitaki aei e reiakinaki bwa ko na tangira ao ni kariaia n tatabemania bwa a mena iaa, ao karekean te iraorao ae kaan riki.
Ana tabo Sasha are e koreaki uteutena e a rangi n taraa n tamaroa riki.
Te Katoto ae Kororaoi ibukin te Mwaneaki
N te O Tetemanti, e tatae ni burabetiaki iroun Itaia bwa Iesu Kristo e na ataia raoi bwa tera aron te kakaokoro. E rinanon te katinanikuaki ao te bwainikirinaki. “E riribaki ao e kakiaki irouia aomata; te aomata ae nananokawaki, ao e ata naba te rawawata”(Isaiah 53:3). Rinanon Ana tangira ae kororaoi, E ataa ara namakin ao e ataia bwa e na kanga ni buokiira. (taraa Aramwa 7:12). Bon te katooto ae kororaoi ngaia bwa ti na kanga ni kawariia aomata n te tangira ni kairekerekeia naba tabeman, n aki taraa aroia ke taraakia.
Reirei aika a na Iangoaki
Ngkai ko kakaei kawai ni buokia tabeman bwa a na namakinna bwa raora, iangoi tuua aikai are e reirei ao ni maiuakinna te Tia Kamaiu:
-
Kukurei nanom ni kinaia aomata itinanikuia naake ko a tia ni kinaia (taraa Mataio 5:43–48).
-
Tai maaku n reitaki ma te koraki ake a maeka ke ni kaokoro aia koaua ao e aki botaki ma ana reirei te Tia Kamaiu (taraa Mareko 2:14–17; Ruka 7:38–50).
-
Aomata nako a riai n namakina ae ti tangiria n te Ekaretia. (taraa 3 Nibwaai 18:22—32). Meena n te tabo are a kona n reiakina ana euangkerio te Tia Kamaiu ao n namakina Ana tangira e kona ni bita temanna.
-
E ataia te Tia Kamaiu bwa tera ae ti kainnaoia, ibukina bwa e atai ara namakin (taraa Alma 7:11–12). Ti kona ni kaota te tangira man ukoran kinaakin aia taneiai tabeman ao bwa ti na kinaia riki man ara itera.
-
E bon taua ana tai te Uea ni kaoti ni kaekaa kainnanoia ake a mena i rarikina. E toki n anga te iraorao ibukia tabeman e ngae ngkana Iai ana iango bwa e na mena n te tabo teuana (taraa Mareko 5:22–43).
Tera Ae Ti kona ni Karaoia?
Tai kariaia bwa ko na toki ibukin te kakaokoro man kinaakia ake ko na karaoa ma mwakuri ni ibuobuoki nakoia. Tera kaokorora, iai reitakira ae ti teuana ae ti riai ni kunea.