“Nuku‘alofa, Tonga,” Liahona, Sept. 2022.
Ang Simbahan Ania Dinhi
Nuku‘alofa, Tonga
Ang templo sa Ang Simbahan ni Jesukristo sa mga Santos sa Ulahing mga Adlaw sa Nuku’alofa nahimutang duol sa gipanag-iya sa Simbahan nga Liahona High School. Ang mga miyembro sa Simbahan naglangkob sa 63 ka porsiyento sa populasyon sa Tonga, diin ang Simbahan adunay
-
66,400 ka miyembro (mga banabana)
-
21 ka stake, 2 ka district, 173 ka ward ug mga branch, 2 ka misyon
-
21 ka sentro sa family history, 1 ka templo ang kasamtangan nga gigamit ug 1 ang gisugdan na sa pagtukod
Kita Magkahiusa Pag-usab
Si Sonasi Langi (namatay na) nga taga Kolonga, Tongatupu, kanunayng mopundok sa mga sakop sa pamilya aron mokanta og mga himno ug mobutang og mga bulak ibabaw sa lubong sa iyang amahan ug igsoong babaye. “Sa umaabot nga adlaw kita magkahiusa pag-usab,” siya miingon. “Sa akong hunahuna manganta kita sa mao gihapon nga mga kanta nianang panahona.”
Dugang pa mahitungod sa Simbahan didto sa Tonga
-
Mga kasayoran, mga estatistika, ug kasaysayan bahin sa Simbahan didto sa Tonga.
-
Gunit sa puthaw nga gunitanan, si Presidente Nelson misulti sa mga miyembro atol sa debosyonal didto sa Tonga pagka-2019.
-
Human sa pagbuto sa bulkan pagka-Enero 2022, ang Unang Kapangulohan nagpadala og sulat bahin sa gugma ug paglaom ngadto sa Tonga.
-
Ang Simbahan miresponde sa pagbuto sa bulkan ug tsunami didto sa Tonga.
-
Ang mga miyembro sa Tonga nagpadala og mga suplay ngadto sa gawas nga mga isla.
-
Ang usa ka journalist nagpaambit unsay iyang nakat-onan gikan sa Tongan nga mga Santos sa Ulahing mga Adlaw kon unsaon sa paglahutay.
Ang hari sa Tonga miabiabi ni Presidente Russel M. Nelson ug sa iyang asawa, nga si Wendy;ni Elder Gerrit W. Gong ug sa iyang asawa, nga si Susan; ug uban pa sa pagbisita sa Tonga pagka-2019.
Gilitratohan ni Jeffrey D. Allred, Deseret News
Sama sa mga batan-ong babaye sa tibuok Simbahan, kining batan-on nga babaye sa Tonga nagtakda og mga tumong ug nagtrabaho aron matuman kini.
Mao kini ang hitsura sa Neiafu Tonga Temple, ang ikaduhang templo sa Tonga, kon mahuman na ang konstuksiyon niini.
Ang panimalay mao ang sentro sa pagkat-on sa ebanghelyo didto sa Tonga, ingon usab niini sa tibuok Simbahan sa dihang ang mga miyembro naminaw sa panawagan nga “dali, sunod kanako” (Lucas 18:22).
Didto sa Tonga, ang nindot nga kalingawan sa pamilya maglakip gayod sa paglakaw nga magkauban daplin sa baybayon.
Ang agrikultura importante didto sa Tonga, ug daghang Santos sa Ulahing mga Adlaw nagpatubo ug nag-ani og pagkaon.
Didto sa Tonga, sama sa kadaghanan sa mga komunidad sa isla sa Pasipiko, ang mga dahon sa saging maoy sagad nga gigamit sa pag-andam sa pagpangaon sa pamilya.
Ang pagkanta og mga himno usa ka importante nga bahin sa dungan nga pagsimba didto sa Tonga, ingon usab niini sa tibuok Simbahan.
Ang trasdisyonal nga sinina adunay importante nga bahin sa Tongan nga katilingban.
Ang batan-ong lalaki nalingaw sa pakighimamat sa uban atol sa kalihokan sa kabatan-onan sa usa ka meetinghouse sa Tonga.
Ang kanunay nga pagtuon sa kasulatan makatabang sa mga magtiayon sa Tonga nga magdungan sa paglambo sa espirituhanong paagi.
Pagka-Enero 2022, ang mga abo sa pagbuto sa bulkan mitabon sa daghang lugar sa Tonga.
Litrato gikan sa Malau Media, gigamit nga may pagtugot
Ang mga miyembro sa isla sa Tongatapu midonar og mga suplay, nga gikarga sa barko aron matabangan kadtong anaa sa gawas nga mga isla.