“Unsa ang Gitudlo ni Isaias mahitungod sa Pagpundok sa Israel?,” Liahona, Sept. 2022.
Dali, Sunod Kanako
Unsa ang Gitudlo ni Isaias mahitungod sa Pagpundok sa Israel?
A View of Salt Lake City [Usa ka Talan-awon sa Siyudad sa Salt Lake], ni James Taylor Harwood
Si Isaias migamit og mga simbolo sa pagtudlo mahitungod sa pagpundok sa Israel. Ikonsiderar kini nga kasulatan: “Ug siya mopatindog og usa ka bandila alang sa mga nasod, ug mopundok sa mga sinalikway sa Israel, ug mopundok sa nagkatibulaag sa Juda gikan sa upat ka mga suok sa yuta” (11:12).
Ang ensign usa ka bandila o sumbanan. Si Elder Jeffrey R. Holland sa Korum sa Napulog Duha ka Apostoles mipaambit sa istorya kon sa unsang paagi nga ang mga lider sa Simbahan sa panahon sa mga pioneer mihimo og bandila, nga usa ka “hinimo-himo nga bandila, mideklarar sa walog sa Great Salt Lake ug sa mga kabukiran nga naglibot niini isip mao kanang dapita nga gipanagna diin ang pulong sa Ginoo mogawas sa ulahing mga adlaw.”1
Unsa ang ubang mga simbolo ug mga panglantaw nga may kalabotan sa pagkatibulaag ug pagpundok sa Israel nga imong makit-an diha sa Isaias sa mga kapitulo 2, 5, ug 11?
Sa unsang paagi nga ang bag-ong propeta mitabang nato nga mas makasabot sa pagpundok sa Israel?
Makatabang ang pagtuon sa unsay gisulti sa bag-ong mga propeta mahitungod sa mga pagtulun-an ni Isaias ug sa pagpundok sa Israel. Ikonsiderar ang pagtan-aw sa usa niini nga mga pakigpulong sa kinatibuk-ang komperensiya ni Presidente Russell M. Nelson ug paglista sa mga paagi nga inyong matabang sa pagpundok sa Israel:
-
“Blessed Are the Peacemakers,” Liahona, Nob. 2002, 39–42
-
“Ang Pagpundok sa Nagkatibulaag nga Israel,” Liahona, Nob. 2006, 79–82
-
“Ipatigbabaw ang Dios Labaw sa Tanan,” Liahona, Nob. 2020, 92–95