Paano Nakasentro kay Jesucristo ang mga Sinaunang Sakripisyo?

Disyembre 2022

Paano Nakasentro kay Jesucristo ang mga Sinaunang Sakripisyo?,” Liahona, Dis. 2022.

Pumarito Ka, Sumunod Ka sa Akin

Malakias

Paano Nakasentro kay Jesucristo ang mga Sinaunang Sakripisyo?

Larawan

isang dambana na napaliligiran ng mga hayop

Mga paglalarawan ni Denis Freitas

Nagbabala si Malakias laban sa pag-aalay ng maruming handog sa Panginoon. Hinihingi ng Panginoon ang “dalisay na handog” (Malakias1:11) at hindi niya hahayaang madungisan ang kanyang hapag (tingnan sa Malakias 1:12).

Ang mga sakripisyo na ito ay kailangang dalisay dahil ang mga ito ay “tumutukoy sa paraan na inilaan ng Diyos upang maibalik tayo sa Kanyang piling—si Jesucristo at ang Kanyang Pagbabayad-sala.”¹ Ang mag-alay ng anumang bagay na hindi lubos na dalisay ay panlalait kapwa sa kasakdalan ni Cristo at sa Kanyang sakripisyo.

Isipin kung ano ang itinuturo sa atin ng apat na uri ng sakripisyo sa Lumang Tipan tungkol sa kung paano lumapit kay Cristo:

Handog na Susunugin: Isang buong hayop na sumisimbolo sa obligasyong magpasakop sa Diyos (tingnan sa Levitico 1).
Karne o handog na pagkain: Ang walang dugong handog na mais, alak, at kamangyan na kasama sa bawat handog pangkapayapaan at handog na susunugin (tingnan sa Levitico 2).
Handog pangkapayapaan: Pag-aalay ng hayop na ginawa ng isang taong payapa sa Diyos na naghahangad ng karagdagang kapayapaan (tingnan sa Levitico 3).
Handog para sa Kasalanan: Ang pag-aalay ng hayop para magbayad-sala sa kasalanan at makasama si Jehova (tingnan sa Levitico 4 at 5).

Ang Pagbabayad-sala ng Tagapagligtas ay tanda ng katapusan ng pag-aalay ng mga sakripisyong ito. Gayunman, ang mga miyembro ng Simbahan ng Panginoon ay dapat handang isakripisyo ang lahat ng bagay para sa Panginoon. Paano natin ginagawa ang batas ng sakripisyo ngayon? (Tingnan sa 3 Nephi 11:19–20.)