“E Faapefea Ona Faamanuiaina i Tatou e le Malamalama o le Lalolagi?,” Liahona, Ian. 2023.
Sau, Mulimuli Mai ia te A’u
E Faapefea Ona Faamanuiaina i Tatou e le Malamalama o le Lalolagi?
O Le Afio Mai Faalua, saunia e Grant Romney Clawson, e faavae i se uluai kopi na tusia e Harry Anderson
Na sau Ioane “e molimau i le Malamalama,” “o le Malamalama moni, lea na te faamalamalamaina tagata uma lava i lona maliu mai i le lalolagi” (Ioane 1:7, 9). “O le malamalama lea ua susulu atu mai luma o le Atua … [ma] tuuina le ola i mea uma” (Mataupu Faavae ma Feagaiga 88:12–13).
E faapefea ona faamanuia i tatou e le malamalama? Tagai i le Alema 19:6; 36:20; Mataupu Faavae ma Feagaiga 88:67.
O le a le mea e fesootai i ai le malamalama? Tagai i le Mataupu Faavae ma Feagaiga 84:45.
E faapefea ona tatou tuputupu ae i le malamalama? Tagai i le Mataupu Faavae ma Feagaiga 93:28.
O ai le Malamalama o le Lalolagi? Tagai i le Ioane 8:12; 3 Nifae 18:16,24.
Na aoao mai Peresitene Lorenzo Snow (1814–1901), “Matou te talitonu o le agaga lea e faamalamalamaina le aiga o tagata e sau mai le afioaga o le Silisili Ese, ma ua salalau atu i le vanimonimo atoa, o le malamalama ma le ola o mea uma, ma ua i ai i loto faamaoni taitasi e tusa ma lona amiomama, amiosao, ma lona manao ia iloa le upumoni ma faia mea lelei i ona uso a tagata” (O Aoaoga a Lorenzo Snow, ed. Clyde J. Williams [1996], 107).