Elder Robert M. Daines

Fitugafulu o le Pulega Aoao

Sa galue Elder Robert M. Daines o se polofesa o tulafono ma pisinisi i le Iunivesite o Stanford ina ua valaauina o ia e auauna atu o se faiaoga seminare i le vaveao.

I le avea ai ma se Tagata o le Au Paia o Aso e Gata Ai i le olaga atoa, sa iloa e Elder Daines le talalelei, ae o se mea e uiga i le valaauga na uunaia ai o ia e suesue i tusitusiga paia e pei e lei faia muamua lava. Fai mai lona faletua, o Ruth, e masani ona ia vave moe ma ala i luga i le 4:00 i le vaveao, ona sa ia manaomia le tolu itula e saunia ai mo lana lesona i aso taitasi faatasi ma tamaiti aoga e toa 15.

“O nisi tagata e i ai taleni; o nisi e tatau ona galulue malosi,” o lana tala lea. “O a’u ou te i ai i le vaega o le ‘E sili atu ona e matua’i galue malosi, aua e leai so’u tomai.”

Fai mai Elder Daines sa ia matua’i suesue i tusitusiga paia mo le tele o itula i aso taitasi ona sa ia manao ia iloa ma lagonaina le alofa o le Faaola ona fesoasoani lea i ana tamaiti aoga e faia lea lava fesootaiga e tasi. O le aafiaga i le sefulu tausaga le umi sa i ai se aafiaga mamana i lona faatuatua ma lana molimau.

“Ou te lagona e pei ua ou liua moni lava ma sa oo ina ou iloa Iesu Keriso, i le avea ia o a’u o se faiaoga seminare i Palo Alto, Kalefonia,” o le saunoaga lea a Elder Daines, na lagolagoina o se Fitugafulu fou o le Pulega Aoao i le taimi o le konafesi aoao ia Aperila 2023.

Sa soifua mai Robert Merrill Daines i Bloomington, Initiana, ISA, i le aso 28 o Iulai, 1964, ia Robert Henry Daines III ma Janet Lundgren Daines. Sa soifua ae o ia i Provo, Iuta, ma faaipoipo atu ia Ruth Ann Glazier i le Malumalu o Sate Leki ia Tesema 1988. E toalima le la fanau.

Sa faauu Elder Daines mai le Iunivesite o Brigham Young o lei mauaina se faailoga faaloia i le Iunivesite o Yale. Sa faigaluega o ia o se paaga mo Goldman Sachs ona faiaoga ai lea i le Iunivesite o Niu Ioka ma Yale. Mo le luasefulu tausaga ua mavae, sa galue ai Elder Daines o se taitai lagolago ma polofesa o Le Tulafono ma Pisinisi i le Iunivesite o Stanford.

Sa auauna o ia o se faifeautalai faamisiona i le Misiona a Switzerland Zurich. O isi valaauga o le Ekalesia e aofia ai le peresitene o le siteki, fautua maualuga, epikopo, ma le taitai o le vasega pepe. Sa auauna atu o ia o se peresitene o le siteki i le taimi o lona valaauga.