Padayon sa Unahan nga may Hugot nga Pagtuo diha ni Kristo

Imahe

Jesus mikab-ot sa ilawom sa tubig

The Hand of God [Ang Kamot sa Dios], ni Yongsung Kim, dili mahimong kopyahon

Bisan unsa pa ka walay paglaom ug pag-inusara ang atong bation kon kita manglimbasog sa atong mga pagsulay, sa kanunay adunay dalan padulong sa unahan diha sa paghimo ug pagtuman sa dalan sa pakigsaad ug magtinguha og giya gikan sa mahigugmaon nga Manluluwas ug Langitnong Amahan. Niini nga isyu, Si Elder Neil L. Andersen sa Korum sa Napulog Duha ka Apostoles mipakigbahin sa kaimportante sa tibuok kinabuhi nga pagpaningkamot sa pagpangita sa hugot nga pagtuo diha ni Jesukristo (pahina 4). Siya nagsulat, “Dili kaayo lisod ang pagpili sa hugot nga pagtuo diha ni Jesukristo kon kita mobati og espirituhanong kadasig, apan kita kinahanglan gayod usab nga mopili sa hugot nga pagtuo kon ang kinabuhi mahimong lisod.”

Ang akong artikulo ug usa sa mga artikulo sa young adult niining isyu nagtutok sa usa sa komon nga mga pagsulay nga gisagubang sa daghang pamilya ug mga indibidwal sa atong moderno nga kalibotan: pornograpiya (mga pahina 8, 34). Si President Dallin H. Oaks, Unang Magtatambag sa Unang Kapangulohan, nagtudlo nga kadtong mga nanglimbasog batok sa pornograpiya “dili mga daotan o walay paglaom” (“Nagpaayo gikan sa Pagkalit-ag sa Pornograpiya,” Liahona, Okt. 2015, 50). Si bisan kinsa makakaplag kalig-on sa pagbuntog sa pagkagumon sa pornograpiya pinaagi sa pag-lig-on sa hugot nga pagtuo diha ni Jesukristo ug mokonektar ngadto sa mga tinubdan gikan sa mga higala, mga sakop sa pamilya, eklesiastikanhong mga lider, ug mga propesyonal sa kahimsog sa panghunahuna.

Sa akong artikulo, akong gihulagway sa lain laing mga lebel sa paggamit sa pornograpiya ug maghisgot og piho nga mga paagi nga ang indibidwal makabuntog sa paggamit sa pornograpiya sa matag usa niining mga lebel. Ako mohatag og gibug-aton sa kaimportante sa espirituhanon nga mga tinubdan ug ang mahinungdanon nga makagiya nga tahas sa Espiritu Santo makahatag og suporta sa pagbuntog sa pornograpiya.

Ako manghinaot nga kining isyu makatabang kaninyo nga mobati og kalinaw ug gugma gikan sa inyong Langitnong Amahan ug gikan sa inyong Manluluwas, si Jesukristo, ug motabang kaninyo nga makasabot nga uban sa tinuod nga hugot nga pagtuo, ang bisan unsa nga babag sa kinabuhi mahimong mabuntog.

Brian J. Willoughby

Propesor, School of Family Life, Brigham Young University