“Unsaon Nako Pagtratar ang Akong Lawas Sama sa usa ka Templo?,” Liahona, Ago. 2023.
Dali, Sunod Kanako
Unsaon Nako Pagtratar ang Akong Lawas Sama sa usa ka Templo?
Si Presidente Russell M. Nelson mitudlo:
“Ang gasa sa atong pisikal nga mga lawas dili ordinaryo nga milagro.
“… Ang inyong lawas, bisan unsa ang kinaiyanhon nga gasa, … usa ka templo alang sa inyong espiritu.”1
Apan usahay atong gisaway ang atong panagway o naghandom nga lahi ang atong mga lawas. Tingali madala gayod kita sa kalibotanon nga mga uso o mga sumbanan nga makaingon kanato nga makalimot kon unsay katuyoan gayod sa atong mga lawas. Kini mga templo alang sa atong mga espiritu ug alang sa Espiritu Santo.
Pagpangita og mga Tubag diha sa 1 Mga Taga-Corinto 6
Ngadto kang kinsa ang akong lawas usa ka templo? (Tan-awa sa 1 Mga Taga-Corinto 6:19.)
Ang akong lawas ba sa akong kaugalingon o sa Dios? (Tan-awa sa 1 Mga Taga-Corinto 6:20.)
Si Presidente Nelson mihatag niini nga tambag:
“Kada higayon nga motan-aw kamo sa samin, tan-awa ang inyong lawas isip inyong templo. …
“Unsaon ninyo pagpili sa pag-atiman ug paggamit sa inyong lawas?
“Unsa nga espirituwal nga mga hiyas ang inyong pilion nga palamboon?”2