Kinsa ang Apostol nga si Pablo?

Imahe

hulagway ni Apostol Pablo

Si Pablo Nagsangyaw sa Ebanghelyo sa Uban nga mga Yuta, ni Paul Mann

Kasayoran

• Jewish nga ngalan: Saulo

• Natawo sa Tarsus, usa ka siyudad sa modernong panahon ang Turkey

• Nakaangkon og pagkalungsuranon nga Romano sa pagkatawo

• Nagdako sa usa ka respetado ug relihiyoso nga panimalay

• Gipaeskwela didto sa Jerusalem ug nahimong usa ka Pareseo

• Giisip sa Pariseo nga ang Kristiyanismo usa ka pagtuis sa Judaismo, busa “gigubot ni [Saulo] ang simbahan” (Mga Buhat 8:3) sa paningkamot sa pagpanalipod sa iyang relihiyon

Samtang si Saulo nagbiyahe padulong sa Damasco sa pagdakop sa mga bakwit nga mga sumusunod ni Kristo, “sa kalit may kahayag gikan sa langit nga midan-ag libot kaniya” (Mga Buhat 9:3). Sa dihang natumba siya sa yuta, iyang “nadungog ang tingog nga nag-ingon kaniya, Saulo, Saulo, nganong gilutos mo ako?” (Mga Buhat 9:4). Si Kristo misugo ni Saulo, nga karon buta na gumikan sa panan-awon, sa pag-adto sa Damasco ug mohulat alang sa dugang nga instruksiyon.

Human sa tulo ka adlaw nga pagkabuta, si Saulo gibisita sa disipulo nga si Ananias, kinsa miayo sa iyang panan-aw (tan-awa sa Mga Buhat 9:17–18). Si Saulo dayon gibunyagan ug miadto sa Jerusalem, apan ang mga disipulo “nangahadlok silang tanan kaniya, wala sila motuo nga usa na siya ka tinun-an busa nangahadlok silang tanan kaniya” (Mga Buhat 9:26).

Si Saulo gitawag sa pagpangalagad ngadto sa mga Hintel, ug gikan niana, sa Biblia ginganlan siya isip Pablo, sa iyang Latin nga ngalan. Ang pagkakabig ni Pablo mao ang usa ka pagsaksi nga ang ebanghelyo ni Jesukristo alang sa tanan kinsa maghinulsol ug “bisan hain man kita o unsa ang atong nabuhat, makabalik gihapon kita Kaniya.”¹

Si Pablo usa ka Apostol kinsa makatudlo “sa mga hintel didto sa kayutaan nga dili sa Judio, kinsa makasugakod sa mga pagsaway sa iyang kaugalingon nga katagilungsod (bisan ang Simbahan), ug kinsa adunay kahibalo ug pagbansay sa pagtudlo sa Judio ug sa mga Hintel sa tanang katilingbanong ang-ang sa tibuok imperyo sa Romano.”²

Si Pablo, usa ka Romano nga lungsuranon ug kanhi Pariseo kinsa makasulti og Hebreohanon, Griyego, ug mga Latin, mao ang sarang kaayo sa pagtuman niini nga sugo (tan-awa sa Mga Buhat 9:15).

Isip usa ka Apostol, si Pablo mibarog isip usa ka saksi ni Jesukristo ug sa Iyang matubsanon nga gahom. “Ang sentro nga tema sa tanan niyang mga sinulat mao kon giunsa pagtubos ni Jesukristo ang kalibotan ug sa unsang paagi ang mga Santos makatagamtam sa mga panalangin sa [Iyang] Pag-ula.”³