Tausiga o i Latou e lē Tagolima

Sa alofa, faamafanafana, ma tatalo Iesu Keriso mo i latou na siomia o Ia. Sa “femaliuai [o Ia] ma agalelei” (Galuega 10:38). E mafai ona tatou mulimuli i Lana faataitaiga e ala i le alofa, faamafanafana, auauna atu, ma tatalo mo i latou o siomia i tatou. E mafai ona tatou saili i taimi uma mo ni auala e fesoasoani ai i isi.

Ata

o tagata e toalua o loo savavali

Auaunaga

O le upu auaunaga o loo faaaogaina i tusitusiga paia ma i le Ekalesia a le Alii e faamatala ai le ala tatou te tausia ai le tasi ma le isi. O e umia le perisitua e tofia o ni uso o auaunaga i tagata taitoatasi po o aiga i le uarota po o le paranesi. E tofia tuafafine o auaunaga i tuafafine matutua taitoatasi. E faamautinoa e uso ma tuafafine o auaunaga o loo manatuaina ma tausia tagata uma o le Ekalesia.

Ata

tagata o loo totoina laau

Fesoasoani i Isi ia Ola-Tutoatasi.

E mafai ona tatou fesoasoani i tagata o le aiga ma uo ina ia ola-tutoatasi e ala i le uunaia o i latou e saili ni vaifofo mo se taimi umi i o latou faafitauli. Ona mafai lea ona tatou lagolagoina i latou a o latou galulue i a latou sini. Saili nisi faamatalaga faaopoopo e uiga i le ola-tutoatasi i le Liahona o Aokuso 2023 Tusiga o Aoaoga Autu o le Talalelei.

E tele auala e mafai ai ona tatou auauna atu ia i latou o siomia i tatou ma fesoasoani e faafetaiaia o latou manaoga faaletino, faaleagaga, ma faalelagona. O le aoao e uiga i isi e mafai ona fesoasoani ia i tatou e iloa ai pe mafai faapefea ona tatou auauna lelei atili atu ia i latou. E mafai foi ona tatou tatalo mo le taitaiga ia iloa ai mea e mafai ona tatou faia e fesoasoani atu ai.

Ata

o loo aoina e tagata ni fualaauaina taumafa mata

Faasoa Atu Mea ua Tatou Maua

E mafai ona tatou auauna atu i isi e ala i le faasoa atu o mea ua faamanuiaina ai i tatou e le Atua. Mo se faataitaiga, e mafai ona tatou tuuina atu taulaga anapogi limafoai pe foai atu i le tupe mo Fesoasoaniga Alofa a le Ekalesia. E mafai foi ona tatou auauna atu i o tatou nuu ma o tatou valaaugai le Ekalesia.

O le epikopo e vaaia le tausiga o i latou e lē tagolima i lana uarota. E mafai ona ia faaaogaina tupe mai taulaga anapogi e fesoasoani ai i tagata e i ai manaoga. O isi taitai, e aofia ai ona fesoasoani ma au peresitene o le Aualofa ma le korama a toeaina, e fesoasoani i tagata o le au paia ia maua punaoa e mafai ona latou faaaogaina e taulima ai o latou manaoga.

E fesoasoani le Ekalesia i tagata i le lalolagi atoa i le tali atu i faalavelave faafuasei, galuega faatino faalenuu, ma isi polokalama e pei o vai mama ma tui puipui. Ina ia aoao atili, tagai Dallin H. Oaks, “Fesoasoani i e Matitiva ma Faanoanoa,” Liahona, Nov. 2022, 6–8.