Liahona
O Lesitala e Leai se Totogi Ua Avanoa Nei mo Mekasini a le Ekalesia
Mati 2024

“O Lesitala e Leai se Totogi Ua Avanoa Nei mo Mekasini a le Ekalesia,” Liahona, Mat. 2024.

O Lesitala e Leai se Totogi Ua Avanoa Nei mo Mekasini a le Ekalesia

Ata
tamaitai o loo tilotilo i se mekasini

Ua avanoa nei mo tagata o le Ekalesia ia mekasini a le Ekalesia i le leai o se totogi. Saini e alu i totonu mo se lesitala faaletausaga i le:

  • O le Liahona (mo tagata matutua).

  • Mo Le Malosi o le Autalavou (mo le 12–18 tausaga).

  • O Le Uo (mo tamaiti).

I se faamatalaga e uiga i lenei taulamua fou, sa faamalamalama mai ai e Elder Dieter F. Uchtdorf o le Korama a Aposetolo e Toasefululua, “E manao le Ekalesia e tuuina atu le tele o le avanoa i upu a perofeta, ma ua matou fiafia lava e fai kopi ua lolomiina o mekasini a le Ekalesia e maua e aunoa ma se totogi” (Aok. 1, 2023, newsroom.ChurchofJesusChrist.org).

Auala e Lesitala ai i Mekasini Lolomi

  • Asiasi i le MagazineSubscriptions.ChurchofJesusChrist.org.

  • Saini e alu i totonu e faaaoga ai se faitotoa a le Ekalesia. (Afai e te manaomia se faitotoa a le Ekalesia, saini mo le tagata e toatasi e alu i totonu e aunoa ma se totogi i le account.ChurchofJesusChrist.org.)

  • Kiliki le faamau Lesitala i talaane o lau mekasini po o mekasini o filifiliga.

  • Faatumu lau tuatusi o le meli ma le gagana e manao ai.

O le lomiga muamua o le a taunuu pe tusa ma le lua masina.

Auala e Saini ai mo se Imeli Faamanatu Faalemasina

Afai e te manao e faitau faaeletonika mekasini a le Ekalesia, e mafai ona e saini e alu i totonu e maua ai se imeli faailoa pe a maua se lomiga fou i luga o le uepisaite a le Ekalesia ma i le polokalama o le Gospel Library.