O A’u o se Atalii o le Atua

Valaaulia se tamaitiiti e faia le tatalo amata.

Usu pe fai atu le fuaiupu muamua o le “O A’u o se Atalii o le Atua” (Tusipese a Tamaiti, 2):

Toe fai faalua pe faatolu, ma valaaulia tamaiti tou te pepese faatasi.

Ta’u i tamaiti e i ai o latou tina ma tama i le lalolagi e alolofa ia i latou. Ta’u i ai e i ai foi so latou Tama Faalelagi e silafia ma alofa ia i latou. Susue le Tusi Paia i le Salamo 82:6 ma faitau, “O fanau foi outou uma a le [Atua].”

Faaali le ata tusi o Mose i le itulau 99 (atonu o le a e manao e ufiufi isi ata tusi o i le itulau lea e fesoasoani i tamaiti e tulimatai ia Mose). Faamalamalama atu o Mose o se perofeta maoae sa soifua i aso ua leva. Ta’u atu i tamaiti sa alu ae Mose i se mauga e tatalo ai. Valaaulia tamaiti e faafoliga e pei o loo latou feaei i se mauga; ona piilima lea o o latou lima e pei o loo tatalo. Susue le Penina Tau Tele i le Mose 1:4 ma faapea atu, “Na fetalai le Atua ia Mose, ‘Faauta, o lo’u atalii oe.’ ” Faamalamalama atu e faapea, sa iloa e Mose o ia o se atalii o le Atua.

Ata

coloring page, Moses

Valaaulia se tamaitiiti e tu i ou tafatafa i luma o le vasega.

Fai atu: “O [igoa o le tamaitiiti] lea.”

Fai atu i tamaiti e toe tau mai le igoa o le tamaitiiti.

Fai atu: “O [igoa o le tamaitiiti] o se atalii o le Atua.”

Fai i tamaiti e toe fai: “O [igoa o le tamaitiiti] o se atalii o le Atua.”

Toe fai le gaoioiga mo tamaiti taitoatasi o le vasega pepe. Afai e toatele le vasega, e mafai ona aumai taitoalua i luma tamaiti pe faapuupuu le gaoioiga pe a manaomia.

Faaali atu le ata o loo i le itulau 10, tusi i se tamaitiiti i le ata, ma fesili atu, “O se atalii o le Atua le tagata lea?” Lue lou ao ma fai atu ioe. Toe fai ma saga fai mo tamaiti taitoatasi o loo i le ata. Ona tusi lea ia te oe lava ma fesili, “O a’u o se afafine o le Atua?” Lue lou ao ma fai atu ioe. Faamamafa atu o tagata uma lava o atalii ma afafine o le Atua ma Na te silafia ma alofa ia i tatou uma.

Ata

group of children

Faasoa atu lau molimau o i tatou uma lava o fanau a le Atua ma e silafia ma alofa o Ia ia i tatou.

Valaaulia se tamaitiiti e faia le tatalo faaiu.

• Mo le gaoioiga i le pepa lautele o i ai se savali: Valaaulia matua e aumai se ata o a latou fanau i le vasega pepe (atonu na latou aumaia lea ata ina ua faatoa ulufale mai le tamaitiiti i le vasega pepe; tagai itulau 7. I le pito i luga o se pepa lautele, tusi ai, “O A’u o se Atalii o le Atua.” Tuu se avanoa tele mo ata o tamaiti.

• Mo le gaoioiga e fai i le ata tusi: Kopi le ata tusi o i le itulau 11 ina ia tofu le tamaitiiti ma le ata.

  Ata

  coloring page, I Am a Child of God

Valaaulia tamaiti e tutu i luga ma ia outou faia faatasi le fuaiupu o gaoioiga lea:

Faapipii ata o tamaiti i le pepa lautele ua e saunia. Faitau le ulutala o le pepa lautele i tamaiti ma faamanatu ia i latou o i tatou uma lava o fanau a le Atua. Ia faapipii i luga le pepa lautele i vaiaso taitasi ma faaopoopo i ai ata o tamaiti e faaopoopo mai i le vasega pepe.

Tufa atu i tamaiti taitoatasi se kopi o se tasi o ata tusi o loo i le itulau 11. Valaaulia tamaiti e faasino i vaega eseese o foliga (e pei o mata, gutu, ma isi). Ia valivali e tamaiti ata tusi, pe a mananao ai.