Matua Pele,

Matou te tulimatai atu i le i ai o lo oulua alo i le vasega pepe! O nisi nei o mea e mafai ona oulua faia e maua ai se aafiaga fiafia a lo oulua alo:

• Faamatala i lo oulua alo ia mea lelei e uiga i le vasega pepe i aso o le vaiaso a o le’i uluai auai o ia.

• Talanoa i lo oulua alo e uiga i mea e tutupu i le vasega pepe. Fesoasoani ia te ia e iloa mea e faia ai.

• Ia taulimaina manaoga o lo oulua alo mo le falelåta’ua ma le fafagaina o ia a o le i avatua o ia i le vasega pepe. O se tamaitiiti e manaomia ona suia le napekini o le a auina atu i se matua.

• Ta’u i taitai o le vasega pepe pe afai e i ai se luitau faapitoa a lo oulua alo, e pei o se meaai e le taliaina e lona tino.

• Nofo i le vasega pepe ma lo oulua alo pe afai e fefe o ia.

• Ta’u i taitai o le vasega pepe le mea o le a e i ai i le taimi o le vasega.

• Toe faamautinoa i lo oulua alo o le a e toe foi mai i se taimi mulimuli.

• Ia vave ona e foi mai e piki lo oulua alo i le faaiuga o le vasega pepe. Afai o le a pikiina o ia e se isi e ese mai i matua po o ona uso ma tuagane, faamolemole ia faailoa atu i taitai o le vasega pepe le tagata ua i ai le faatagaga e pikiina o ia.

• Toe faamalosia i le aiga mea na aoaoina i le lesona a le vasega pepe.

• Afai e mafai, faamolemole saunia se ata o lo oulua alo ma se ata o lona aiga.

Faamolemole aua le aumaia lo oulua alo i le vasega pepe pe a o ma’i o ia pe i ai foi nisi o auga nei:

• Fiva

• Tafe le isu

• Tale

• Itaita gofie e le masani ai

• Faasuati

• Manava tata

• Mageso

• Ma’i le mata

• ‘Utua le ulu

• O se ma’i po o se manua na togafitia i vaitui i le 48 itula ua mavae.

• Se ma’i pipisi:

  • Tanesusu (fitu aso)

  • Misela (seia aluese atoa foliga o le ma’i i le tino)

  • Fiva mumu (seia aluese atoa foliga o le ma’i i le tino)

  • Mami (seia aluese le fula, e masani lava e fitu aso)

  • Ma’i papala o le pa’u

Afai e i ai se tulaga e aafia gofie ai lo oulua alo e mafua ai le tafe o le isu, tale, po o le mageso, faamolemole ia faailoa atu i taitai o le vasega pepe e le pipisi auga o lo oulua alo.

Ia saoloto e faafesootai mai taitai o le vasega pepe pe afai e i ai ni o oulua popolega po o ni fesili: