E Mafai Ona Ou Tatalo ma Lo’u Aiga

Valaaulia se tamaitiiti e faia le tatalo amata.

Valaaulia tamaiti e tau le upu “tatalo faaleaiga” mo ni nai taimi. Fai i ai o le a outou aoaoina se pese e uiga i le tatalo faaleaiga. Faia se li’o ma tamaiti, ma uulima tagata uma. Usu pe fai atu upu i le “Tatalo a le Aiga” (Tusipese a Tamaiti, 101) ma fesoasoani i tamaiti tou te faia faatasi taga:

Faaali atu le ata o se aiga o loo tatalo (itulau 54). Fesoasoani i tamaiti ia iloa tagata eseese o le aiga, ma faailoa atu o loo tootutuli i latou ma piilima, punonou o latou ulu, ma moeiini o latou mata. Fai i ai o loo faia le tatalo faaleaiga a le aiga lea. Valaaulia tamaiti e fai mai upu “tatalo faaleaiga.” Valaaulia i latou e tootutuli, piilima, ma punonou o latou ulu. Faamalamalama atu a fai a tatou tatalo faaleaiga, tatou te talanoa i le Tama Faalelagi. Tatou te faafetai ia te Ia mo o tatou faamanuiaga, ma talosaga atu ia te Ia e fesoasoani ma faamanuia lo tatou aiga.

Ata

family praying

Tauloto le fuaiupu o le gaoioiga lea ma valaaulia tamaiti tou te faia faatasi:

Faaali atu le ata o Iesu Keriso i le itulau 106. Susu’e le Tusi a Mamona i le 3 Nifae 18:21 ma faapea atu, “na fetalai mai Iesu, ‘Tatalo i o outou aiga.’ ” Valaaulia tamaiti tou te faia faatasi le fuaiupu lea, fai auauai ni nai upu i le taimi.

Ata

Jesus Christ

Valaaulia tamaiti e fai mai, “E mafai ona ou tatalo ma lo’u aiga,” fai auauai ni nai upu i le taimi.

Valaaulia se tamaitiiti e faia le tatalo faaiu.

• Mo le tala i papeti tamatamai lima: Kopi ma oti ese papeti tamatamai lima i le itulau 59. Valivali pe a mananao ai.

  Ata

  coloring page, family circles and finger puppets

  E Mafai Ona Faatasia Lo’u Aiga e Faavavau

• Mo le taaloga i le taga: Tusi i luga o tamai taga e fa “Matou te Faafetai mo o Matou Faamanuiaga.” I totonu o taga taitasi tuu i ai se ata o se mea ua tatou faafetai ai (e pei o meaai, lavalava, fale, aiga, ma isi). Afai e te manao ai, e mafai ona e faaaogaina kopi o ata tusi o i le itulau 55 po o isi vaega o le tusi lesona lenei.

  Ata

  coloring page, I Can Pray

  E Mafai Ona Ou Tatalo ma Lo’u Aiga

  Tatou te faafetai mo o tatou aiga.

  Tatou te faafetai mo o tatou fale.

  Tatou te faafetai mo meaai tatou te aai ai.

• Mo le gaoioiga valivali: Kopi le ata tusi o i le itulau 55 mo tamaiti taitoatasi e valivali. Aumai se seleulu ma se mea faapipii.

Faaaoga papeti tamatamai lima e faamatala ai le tala lea e uiga i le tatalo faaleaiga:

O se aiga lea. O le tama lea, ae o le tina lea. O le tuafafine lea a o le tuagane lea. O Pita lea, le uso laitiiti (tusi i le papeti o le pepe). I se tasi aso sa taalo ai Pita ae lavea ai lona mata (valaaulia tamaiti e pupuni o latou mata i o latou lima). Na ave o ia e Tama ma Tina e vaai le fomai (aveese le papeti mai le tamatamai lima ma faataatia i luga o le fola). Na tootutuli le aiga o Pita i se tatalo faaleaiga (valaaulia tamaiti e tootutuli). Na talosaga i latou i le Tama Faalelagi e faamanuia Pita. Na faafofoga le Tama Faalelagi i la latou tatalo. Na fesoasoani o Ia ia Pita ia manuia lona mata (toe tuu le papeti i luga o le tamatamai lima). Ona toe fai foi lea o le tatalo faaleaiga a Pita ma lona aiga e faafetaia ai le Tama Faalelagi mo le faamanuiaina o Pita.

Ata

finger puppet diagram

Tuu taga i luga o le fola. Ia uulima tagata uma, ma faia se li’o faataamilo i taga, ma savavali i se li’o a o usuina le pese “Tatalo a le Aiga.” Ona taofi lea o le savaliga, ae filifili e se tamaitiiti se taga ma faaali mai le ata o i totonu. Fai le tala, “Matou te faafetai mo [tau le igoa o le aitema i le ata].” Vivii tamaiti mo lo latou auai. Toe fai seia tofu avanoa uma tamaiti o e mananao ai.

Ia valivali e tamaiti se kopi o le itulau 55. A maea, oti ese fasipepa uumi, ma felaveai i latou e faaaoga ai se mea faapipii ia faia ai se filifili mo tamaiti taitoatasi e ave i le fale.