E Mafai Ona Ou Fiafia

Valaaulia se tamaitiiti e faia le tatalo amata.

Ia uu e se tamaitiiti le ata o i le itulau 82. Faamatala le tala lea:

Na o Mele ma lona tina e savalivali (faasino ia Mele ma Mama i le ata). O nisi tagata na la pasi atu ai sa faauu (fai i tamaiti e faauu). Na fesili Mele ia Mama, “Aisea e faanoanoa tele ai tagata?” Fai mai Mama, “Ou te le iloa, ae masalo e mafai ona ta ataata atu ia i latou e fesoasoani ai ia latou fiafia.”

A o la savalivali atu, na vaai atu Mele o savali mai se tamaitai e agai mai ia i laua. Na matuai faaali atu foliga ataata sili ona manaia o Mele (Valaaulia tamaiti e faaali foliga ataata sili ona manaia). Ina ua vaai mai le tamaitai lea i foliga fiafia o Mele, na toe ataata mai o ia ia Mele. Fai mai Mele, “E aoga!” Fai mai Mama, “A tatou filifili e fiafia, e fesoasoani foi i isi ia latou fiafia.”

Ata

smiling mother and daughter

Fai i tamaiti e ataata mai mo oe. Fai i ai o o latou foliga ataata e fesoasoani i tagata uma lava e lagona ai le fiafia. Valaaulia tamaiti e fai mai “fiafia.”

Usu pe fai atu upu o le “Ataata” (Tusipese a Tamaiti, 128) ma fai taga o loo i lalo. Valaaulia tamaiti tou te faia faatasi

Ia tutu tamaiti i se li’o. Fai i ai o le a e faataitaia le faasoaina atu o ou foliga ataata. Tu i luma o se tamaitiiti ma ataata i ai. Valaaulia le tamaitiiti e ataata. Ona fai atu lea, “Ta o e faasoa atu o ta foliga ataata.” Uu le lima o le tamaitiiti, o atu i se isi tamaitiiti, ma ataata i ai. Valaaulia le tamaitiiti fou e uu le lima o le tamaitiiti muamua ma faasoa atu foliga ataata i se isi tamaitiiti. Faaauau pea seia uulima uma tamaiti.

Ta’u i tamaiti a tatou filifili tatou te fiafia, e mafai ona tatou fesoasoani e lagona foi e isi le fiafia. Valaaulia tamaiti e fai mai, “E mafai ona ou fiafia!”

Valaaulia se tamaitiiti e faia le tatalo faaiu.

• Mo le gaoioiga toe faamanatu: Faailoga le itulau 67 i le tusi lesona lenei e faafaigofie ai ona e susue i ai. Aumai ata o mea o loo e lagona ai le loto faafetai; e mafai ona e faaaogaina ata o i le tusi lesona lenei po o mekasini a le Ekalesia, pe mafai foi ona tusi au lava ata.

• Mo le gaoioiga e fai i le ata tusi: Kopi le ata tusi o i le itulau 83 mo tamaiti taitoatasi.

  Ata

  coloring page, smiling-frowning face

Usu pe fai atu upu o le “Afai ua e Fiafia” (Tusipese a Tamaiti, 125) ma fai taga o loo i lalo. Valaaulia tamaiti tou te faia faatasi

Toe fai, sui le “patipati ou lima” i isi taga, e pei o le “faataamilo,” “popo ou vae,” ma isi.

Tauloto le fuaiupu o gaoioiga lea ma valaaulia tamaiti tou te faia faatasi:

Toe fai gaoioiga e lua i ata mai le lesona 15 (itulau 64 ma le 65). Faamalamalama atu o le manatua o mea matagofie uma ua auina mai e le Tama Faalelagi mo i tatou e fesoasoani tatou te lagona ai le fiafia.

Ata

Jesus with grateful leper

Ata

coloring page, I Am Thankful

Tuu atu i tamaiti taitoatasi se kopi o le foliga ataata ma le faauu i le itulau 83. Valaaulia tamaiti e tilotilo i a latou ata a o e usuina le pese “Ataata”. Fesoasoani ia i latou e liliu o latou foliga faauu i se foliga ataata i le taimi talafeagai a o usuina le pese.